الشعر تاج الشعور ومنبر النفس الكليفه = واول رساله تجي من خاطري واخر رساله

كل ماهاضت شجوني للطواريق الخفيفه = قمت اسطر واقع الابداع وارسمها جزاله

والشتاء لامرني قلت العوض باافراح صيفه = لين من يتعب ورا درب النجم يرتاح باله

ادري المسرى بعيد ومقبل الطرقه مخيفه = بس من يتعب مع اهل الطيب يلقى الطيب فاله

والمطر يسعد هل الاقطار لاسمعو رفيفه = واسعد اللي مع جراهيد الوطا يرعى حلاله

وانت ياغازي مع كرام اللحا حصل وضيفه = والدليل اللي عرف غازي من بلاده عناله

اجتمعنا بملتقى موقع لقى الساعد وليفه = من جهود اعضاءه اللي خلو الابداع فاله

ياهلا باللي حضر وقلوبنا غره نضيفه = ليلنا هذا بديع وبالفرح يسطع هلاله

جعل هذا الملتقى ينعاد لاعود خريفه = فرصه انا تجتمع بالعز وتعم الجماله

انتهت جملة حروفي والوعد راس المنيفه = لالتقينا بالليال المقبله ياهل الشكاله

اخوكم : طارق بن نايف البراك الرشيدي

صح السانك على هالرائعه يابونايف
والابداع ماهو غريب عليك
والله يوفقك