السلام عليكم ورحمه الله وبركاته



قبل لا تقرونها لازم تعرفون قصةهالقصيدة.... واحد اسمه


خالد جاه مرض و قالوله ان ايامه معدوده كتب هذهالقصيده لصديقه يقول له فيها انه يحب



حبيبته و يبي من خويه هذا انه يخليهاتنساه اقروا القصيده والله تستاهل .... وراح تعرفوا



معنى الحب الصادق





وصاتي لك من بعدي ........ تموت فيها علشاني



ابيها تعيش وتحيا بك ........ واظل بالذاكره مفقود



وصاتي لك تنسيها ........ ملامح وجهي و تنساني



وتعزفها قصيدة حب ........ على عكس اللي عزفته بعود



وصاتي لك تبعدها ........ عن اشعاري وقيفاني



تراها مغرمة بالحيل ........ ويشهدلي عدد الردود



وصاتي لك تسايرها ........ ترى فيها من احزاني



طلبتك لايضيق بالك ........ طلبتك والطلب مردود



وصاتي لك تناديها ........ حياتي..عمري..ازماني



انا عودتها دايم ........ ادلعها وانا موجود



وصاتي لك تعاملها ........ بطيبه قلب و احساني



تراها تذرف الدمعه ........ ودمعتها بليٌا حدود



وصاتي لك تحفظها ........ سور وآيات قرآني



وتخبرها عن الميت ........ رحل لايمكنه بيعود



وصاتي لك ترسمها ........ على قبري وأكفاني



ابيها لوحة تبقى ........ على طول الزمن محدود



وصاتي لك تمازحها ........ وتشوف الضحكة بأسناني



سعيتك ياضحك هالكون ........ طلبتك لاتصير جلمود



وصاتي لك تقهويها ........ من دلالي وفنجالي



تراها تعشق السمرا ........ ويكفيها دخون العود



وصاتي لك تركبها ........ على خيلي و على حصاني



وربي فارسة من قلب ........ شهادةماهي لشهود



وصاتي لك تسفرها ........ بلاد الشام و لبناني



يحلالها تقطف ورده ........ وردة من بلد الورود



وصاتي لك تراقصها ........ على الحان رحباني



ترى فيها عرق خالة ........ وفيها من جنون السود



وصاتي لك تحببها ........ فأبونورة بعد هاني



وتنسيها ندم غلطة ........ انا فيها ترى المقصود



وصاتي لك تكرهها ........ في تاريخي وعنواني



أبيها تلعن اللحظة ........ وتلعن كل فرح موعود



وصاتي لك تكلمها ........ عن المجني وعن الجاني



وتخليني انا الظالم ........ وانا منحرق الاخدود



وصاتي لك تشبهني ........ بدم أحمر قاني



وانا هالقاتل السفاح ........ مجرم من عصر نمرود



وصاتي لك تحلفها ........ تتوب تحبني ثاني



ترى يكفيها ماعانت ........ ويكفي حيلها مهدود



وصاتي لك تنسيها ........ وصية قالها لساني



أنا اخبرك رجل موقف ........ وانت قدهاوقدود



صديقي مالقيت غيرك ........ يعرف وشلون تنساني



أمانه ضمهابقلبك ........ ترى خالد....رحل مايعود







هذي هي الدنياالطيب مايدوم فيها لكن هل في حب جدي فعلاً؟



حتى الرجال قبل لايموت حاول انه يخلي حبيبته تنساه بأي طريقه عشان ماتتعذب



صراحه الله يعين هالصديق اللي يقدر يوفي بتنفيذ وصيه صديقه والله يعين المحبوبه ... اذا



قرت هالابيات وتقدر تنساه العكس راح تحبه اكثر حتى وهو ميت وتتمسك بكل شي



يخصه .....