موقع الشاعرغازي البراك موقع الجميع - الا ياقلب لاتشره عليه وليامتى غيره

vcfd

الاياقلب لاتشره عليه وليا متى غيره
يغيب براحته خله يروح لعالم النسيان......

كفاك تدور اعذار لغيابه فضها سيره
تماديت بغلاه ومن تمادى بالغلا خسران

ابد مافي بدنيا بشر يستاهلك غيره؟
يغيب ولرجع ماكنك الا العاشق الولهان

انا ماقول لا ماقول مانت بشايف خيره
وانا ماني بقايل صاحبك وافي ولاخوان

يقولون القمر لاغاب يضوي له على ديره
وانا اقول الحبيب لان غاب يضوي له على خلان

اجل شاسباب هالغيبه وابي شاسباب تاخيره
وابي ليه الجفاء ياقلب ؟؟ وانت بغيبته حيران

شهر واكثر و لاطرش عن غيابه معاذيره
ياليته لو تعذر بالظروف ( ولايمه ) غلطان

تعبت و لاطراله يتصل قل عليها خيره
وش انت متعب حالك على واحد قليل احسان

يجي ميت ( وله ) لامن شكا وقته وتعزيره
واذا قفى على وجهه حبيبك ناقة عريمان

مع الي ماله سبوق اتركه شوف واحدآ غيره
وانا شوري عليك تلحقة في سبعه الشيطان

ذبحك الطيب ياقلب تعذب من مقاديره
يعن كنك خفوقي خابرك ماتعرف النكران

تقاضي لعنبو جد الغلا ماتنفع الذيره
ترى من لا يتقاضى ياخفوقي من هالزمن ينهان

حبيب ماصفى لك طيع شوري بدل بغيره
وانا شوري عليك تلحقه في سبعة الشيطان

,,,,,,,,,,,,,,,,,,,,,,,,,,,,,,,,,,,,,,,,,,
الشاعر:حمد السعيد