هــاض الضـمير و فــز راعــيه ينظـــم=دمع الألــم فـي بــوك شعــره يسـمِّي
بسـم الله ابـدى وإبـتــدي وآآآ تكـــلم=ويـا شـامخــات القــاف للعــز شُــــمِّي
خطـِّي صـراحه وإهـرجي كل ما تـــــم=مـن يــومه اقــبل راعـي الشـر يَــمِّي
اللـي علـى ( شعبـان ) يكـتب ( محــرم )=حـسـبي علـيـك الله يالـلّـــي تـنـمِّــي
عســاك تفـقــد كــل غــالي و تُحـــرم=مـن لــذّة الـراحــه بـتـريــاق سُـــمي
وعســاك يـا راع النـميــــمـه تــــــألم=جِعْــل الفـرح فـي دنـيــتـك مـا يـتـمِّي
مـن بعــدهـا و العيـن دمعــه تـراكــم=آهـــة خفــوقٍ فـيــه غـمّـي و هـمّــي
بـيــان صـادر مـن سُــمُـوَّه بمـا تـم=يخـص بـه شـخصٍ عـزيــز وْ يُعـمِّي
كـانه عـن الامجــاد ثـورٍ معـمْـــعـم=مـاله نصـيــبٍ غــير بطــنٍ يـرمِّـــي
أصـرف له الشعــر بجــزاله مقــدم=و اعـطـيه درسٍ فـي حيــاتـه مُـهـمي
أحــد ٍ بها الدنـيـــا فطــين...يتعلــم=يـذوق مـن شِـهْد الزمــان و يشـمِّي
واحـد ٍ عـلى صكــات بقعــا مــداوم=وإن مَـرْ ذِكـــره بيــن ربعـه يـذمـي
وإســمٍ بـلا معـنى فقــيرٍ ومُـعــــدم=سـنّة هـل الباطـل ( بالاسّمى تسـمِّي )
مـن فســر( الاصلاح ) :ماشِيد يُهـدم=يقـول: هـمّ ( القــاعده ) حفـظ دمِّــي
يـا شـــيمة الـلـي للـمكــارم يتـــمِّم=إبكي كـثر ما أوذيـت بنـت عـمِّــي
يـا نخــوة الـلـي بالشجــاعه تقــدم=إنـسي عــدد أمـواتـنــا و ادلهـــمِّي
يـا عــزَّة الـلـي بـا المــروَّه تـهنـــدم=حـزنـي غـريــقٍ والكـــرامه بيــمِّي
فالحمـد للي عـن خفـا السـر يعلم=مــالي سـواه يـزيـــل هـمِّي و غـمِّي
أسـألك انا يارب...صـلِّي و سـلّم=عـلـى الــذي يفــداه ابـويـَهْ و أُمـي
وختــام قــافـي يـا جمـاعه...أسـلِّم=مـن شـاعـرٍ سـطَّـر شـجـونه وتمِّـي