يارجل بي عن ضيقة البال مدي=لحمود راعي النجر ويا المعاميل
واللي يعذربه تراي إله ضدي=من روس ربعي راعي البن والهيل
مظيبرياً للخصيم امتحدي=وانا سناده صدق ماهي بقاويل
والسيف بانصابه ويمناً يشدي=ولا يقتنيه اضعيفاً مابه الحيل
يالي تجيب العلم واللي تودي=هذا جوابي وافتهم للتماثيل
ياحمود ربعك بالوازم تسدي=يوم(ن) بعض الناس مثل المخاييل
انا اشهد أن اللوم عنك امتعدي=والعيب يبقى بجيب من صار به ميل
لابايح(ن) سدك ولايبيح سدي=خبلاً نحسبه من حساب المهابيل
للكيل ميزاناً وللطول قدي=وبه ناس تفهمها وناس(ن) جواهيل
احداً يسير مع الطريق امتقدي=واحداً لو ان الدرب سانع له يميل
واختامه مني سلاماً وندي=مافيه دور ألا وله عالم وجيل