بطاح يابطاح ابن وساح ليلك سرمدي = اما عطيناك الرضا ولاعطيناك الزعل

والنعم في جدك ومنزالك ترى مثل ولدي = ماهو غلا تقدير يابطاح لاصحاب الفعل

بعيد هالليله كما المسباح في راحة يدي = مانطلبه مثقال ذره لالفى ولارحل

الله يكرم لحيتي يابعيد عن هاك الردي = لكن انا بنصحك لاخاويت دورلك رجل

انته سواة سهيل مير بعيد يشبه للجدي = والياجهلت العلم يابطاح ماعندك عقل

مديتلي سكين ذبحك مير انا رجل اجودي = والعفو يابطاح ابن وساح من طبع البطل

انته اشهب الذيل المسمى لو ماينقاد يغدي = يوم الرعيه ماتهابك لو نسرحها همل

كفي يابطاح اليماني من خلقه الله ندي = ان جبتها مدة كرم وان جبتها مدة هزل