موقع الشاعرغازي البراك موقع الجميع - ماكنــي أعـرفه .. ولاكنـي أبغيـــه،، ؟؟

- القصايد المنقوله (http://www.gazialbrak.com/vb/forumdisplay.php?f=109)

- - ماكنــي أعـرفه .. ولاكنـي أبغيـــه،، ؟؟ (http://www.gazialbrak.com/vb/showthread.php?t=12804)

ماكنــي أعـرفه .. ولاكنـي أبغيـــه،، ؟؟

http://forum.al-wlid.com/images/smilies/004.gif
ماكني أعرفه .. ولاكني أبغيه
وأنا عليه من أمه .. أحب وأجرى

ياكثرها تسليمتن .. يوم ألاقيه
لي عين تكتب له ..وله عين تقرى

وأن حل طارييه.. تجاهلت طاريه
ماكني أدري عنه .. وأنا به أدرى

بسكات يغليني ..وأنا حيل مغليه
"لا تيلفون .. ولا مواعيد غدرى"

يصون حبي عن عدوله وحاميه

وأنا عليه أحجى .. من القلب وأذرى

حبن عفيف .. والصراحه سواقيه
في وقتناا ماظنتي زييد يطرى

لاأسولف بحبه .. ولا أني بكانيه
وغيري لو أنه يوالفه كان هذرى

أحشم قريبه حشمة له و أداريه
وأخشى يجي في خاطره شي وأدرى

لا يحسب أني يوم قفيت ناسيه
لعيونه إني ما تحاليت عذرى

ليت الزمن يرجع .. وأنا أعلمه ليه
وإلا الحظوظ .. من المقابيل تشرى

كل العذارى في "الوفاا" ماتساويه
كنه اليمين .. وباقي الغيد .. يسرى

قولوا له إني ما ارتضي بالبدل فيه
لا مال قارونن .. ولا عرش كسرى

يرتاح ماغيره ملى عين هاويه
غلاه نهر النيل .. والقلب مجرى

وأكبر دليل أني إلى غاب أحاتيه
كم ليلتن ماتت .. على كف مسرى

وإن قالوا أنه شرق .. وأزريت لا أجيه
وجهت وجهي.. كل مانمت ..حدرى..!!