موقع الشاعرغازي البراك موقع الجميع - قصيدة قويـــة حيـــل ,,,,,؟؟؟؟

السلام عليكم ورحمة الله وبركاتة

هذي قصيدة قوية ,, قوية ,, بمعنى الكلمة

تفاجا عريس في ليلة العمر وهو جالس بين فرحة المعازيم بشخص غريب يقف امامة و

يعد قصيدة في عروستة وشريكة حياتة الغالية ؟؟؟؟؟؟؟؟؟

اترككم مع القصيدة ,,,

أبد ماجيت ابارك لك ولكن جيت باوصيـــــــــــــــــــك

على اللي ناوين تدخل بها الليلة معزبتـــــــــــــــي

ترى لولا الظروف اللي عطتك وحدة محاكيـــــــــــك

قسم بالله ماتدخل عليها لو على ارقبتـــــــــــــــــي

ولكن النصيب اقوى ولادري ويش اسوي فيـــــــــك

نعم صارت معزبتك ,, ولاصارت معزبتــــــــــــــــــي

كذا شاءت بنا الاقدار . تحرمني لجل تعطيــــــــــــك

كذا لازم عشان تفوز انت .. انا اخسر بتجربتــــــــي

تراها غالية جدآ .. وتكفي .. والله يخليـــــــــــــــــك

تدللها .. تدلعها .. تنسيها مصاحبتـــــــــــــــــــــــي

انا من كثر مااغليها احس اني بديت اغليـــــــــــــك

ولا تسال . باية حق ولا وشهي مناسبتـــــــــــــي

لانك لو بتسالني بتسمع شي مايرضيــــــــــــــــك

لذا ياخوي لاتسال ولا تسمع لأجوبتـــــــــــــــــــي

ابيك تحطها في داخل عيونك وبين ايديـــــــــــــــك

وهي دلوعة اعتادت على كثرة مداعبتــــــــــــــي

فداعبها شوي شوي . حتى تشتهي طاريــــــــــك

وشاغبها الين تقول : بطل من مشاغبتــــــــــــــي

واذا هي مالها خلقك ,, ولا تضحك ولاتسليــــــــك

تحملها واسألها ... ياعمري لية عصبتــــــــــــــــي

وبالك اسمع انك يوم تضربها وهي تشكيـــــــــــك

ومايحتاج اورى لك ,, بفن الضرب موهبتــــــــــــي

صحيح انك بتملكها . ومعك العقد بالتمليــــــــــــك

وانا عارف حدود الله ومن حقك معاقبتــــــــــــــي

ولكن . قل لها المجنون وصاني وهو يعنيـــــــــــك

يقول انه بينتظرك ولو شيب وشيبتـــــــــــــــــــي

وانا مجنونها اللي مانساها وانششت مايمديـــــك

تغطي ذكرياتي ,, في هواها وربع تجربتــــــــــي

احس اني تماديت بكلامي ,, والغضب حاديـــــــك

ولوانك في مكاني ما تفكر في محاسبتـــــــــــي

كفاك اني تركت الليلة اشغالي عشان اجيـــــــك

ودخلت القاعة برجلي ولا ادري ويش عاقبتـــــي

وانا ماجيت اخرب عرسك الليلة ولا اذيــــــــــــك

انا جيتك عشان اخاطبك واسمع مخاطبتـــــــــي
ـ
توصى ,, وانتبة ,, واحرص عليها والله يهنيــــــك

ترى كل الكلام اللي طلع من ضيقي وكبتـــــــي

ولكن ماقدرت اني اقولة وانت مايخفيـــــــــــــك

اخاف اني اذا قلتة تقوم وتقطع ارقبتـــــــــــــي

منقــــــــــــــــول ((((( خـــــــــاص )))))

تقبلوا تحياتي ,,,,,,,,,,

اسـ ـ ـ ـ ـيـ ـ ـ ـ ـر الـ ـ ـ ـ ـحـ ـ ـ ـ ـب