يالشـــيخ ابن عجوين
 

[poem=font="simplified arabic,6,darkred,bold,normal" bkcolor="transparent" bkimage="backgrounds/14.gif" border="solid,6,sienna" type=1 line=0 align=center use=ex num="0,black""]
سلام مني عد جزلات الاشعار=واعــــــداد وبل المزنه العقربيه
يامـــحمد بن عبيد يانسل الاحرار=يالشـــيخ ابن عجوين زبن الونيه
دعوتك وصلتني وشديت الاسفار=وأهديت لك من عذب شعري هديه
يامـــكرم الادنين والضيف والجار=ريف الصـديق وطيب ٍ في خويه
من الـكرم تفرح ليا جوك زوار= كــــــنه نهار الفــــطر والا الظحيه
يا كاسب الطولات منته بمجتار=لــــــو ان حملك مثل هظبة طميه
لك في مجال العز مارد ومصدار=رفعت صيتك وسط نجد العذيه
من لابة ٍ تعــرف ليا صار ماصار= فــــــعولكم بالوقت ماهي خفيه
البيض تنصاكم من يمين ويسار=عجاونه رمز الوفاء والحميه
شرواك عز لعبس في كل الاقطار= من المحيط ليا الخليج الغنيه
وبلغك ســـــلام ربع ٍ لهم كار=ياطــــــــيب ٍ لك عندنا مقدريه
ربعي هــــل ابانات وافين الاشبار= في نعمة الاسلام والجاهليه
أللي حموها يوم حزات ألاخطار=يوم المعارك وألأمور القويه
حطو لعبس بقمة العز تذكار= شــــــعاره الكفه وتاج ٍ عليه
عيال مظبر لاطمة خد ألأشر ار=عـــــدوهم ذاق القهر وألأذيه
سقوه في وقت اللقاء كأس الأمرار= مخلوط سم الداب مع سم حيه
يوم الجزيره كلها تشتعل نار= وتــــوقد هشيم ٍ كل صبح وعشيه
قدام تشرق شمسها بزين الانوار= بجيـــة معزي مهلك الجاهليه
على النضا في سيف ٍ أجرد وبتار= عـــلى كتاب الله وسنة نبيه
والطيب من بين القبائل له أذكار =وقت اللقاء ماهي لك الله رديه
وصلاة رب ٍ عالم ٍ كل ألأسرار=عـــــلى نبي ٍماخلق شخص زيه
[/poem]

الشاعر / صلاح مطلق بن بدوي

رد: يالشـــيخ ابن عجوين
 

صح الله لسانك ياصلاح لاهنت قصيدة وافيه
من شاعر وافي والممدوح يستاهل
تقبل ودي وتقديري لك

وتقبل تنسيقي للقصيدة

رد: يالشـــيخ ابن عجوين
 

صح السان الشاعر /صلاح بن مطلق بن بدوي
قصيدة جزلة من جزل
والممدوح يستاهل
تقبل تحياتي وتقديري

رد: يالشـــيخ ابن عجوين
 

رد: يالشـــيخ ابن عجوين
 

صح لسانك ياصلاح بن مطلق
على القصيده الرائعه
والشيخ محمد بن عبيد بن عجوين
يستاهل المدح

رد: يالشـــيخ ابن عجوين
 

رد: يالشـــيخ ابن عجوين
 

مشكورين على المرور المشرف
تحياتي

رد: يالشـــيخ ابن عجوين
 

صح لسانك يابن مطلق
على هذه القصيده الرائعه
والف نعم بك وبربعنا المضابره والشيخ محمد بن عبيد بن عجوين يستاهل المدح فهو الكريم ابن الكريم