سلام يابيت الكرم مدهل الضيف=بيت شغاميم الرجال احضروله
فيه النشاما طيبين المواقيف=اللي لهم وقفه وصوله وجوله
مثل الحرار اللي بروس المشاريف=منزالهم ولد الردي مايطوله
جولك يابن عجوين روس العواريف=لانك حفيد أهل الوفاء والرجوله
ايعرفك طيبك ماتحتاج تعريف=الرجل وسم المرجله في فعوله
مانته من اللي يحسبون التكاليف=لانك كريم وتفعل اللي تقوله
من روس عبس مفرقين المواليف=وسامة الكفه زحول البطوله
أهل القنا والرمح والخيل والسيف=كلن على الطوله متعب خيوله
وكل القبايل بالزمن فعلهم شيف=وشمر سنام المجد واكبر زحوله
والمعذره يامدهل الجار والضيف=يامحمد بن عبيد فخر الرجوله