موقع الشاعرغازي البراك موقع الجميع - سليمان اخوى سلمى وبن زنيوط

هذه المحاوره جرت قبل < 20 > سنه بين الشاعران سليمان معاود الرشيدي اخوى سلمى والشاعر عوض زنيوط المطيري وهي من الوزن الثقيل من ناحيت المعنى

سليمان اخوسلمى

يالمطيري مالعبنا والجرس مادني // مير ابدنه براسك لين اعقد ألسانه

انت لو راسك يشيب مابقالك سني // وان بقى في شبته نزرعلك الريحانه

عوض ابن ازنيوط

ان لعبنا لاتضحكني ولاتزعلني // الاخو دايم مايطمع في حلال اخوانه

لك عوين من العرب وانا الله يعاوني // مير طيرك مايطير مكسره جنحانه

سليمان اخوسلمى

انت مسلم منت قاطعني ولاواصلني // مير قل للصيرفي يعطي الذهب خزانه

والعلوم اللي بقلبك خلهن يلفني // الله الله والشجاع يذب فوق احصانه

عوض ابن ازنيوط

باسم ربي من فم المسلم يموت الجني // اخذ علمٍ من لساني بينٍ برهانه

لو اطشك بالبحر منته مجنب عني // مير مثلي مايهاب الموت من عدوانه

سليمان اخوسلمى

صدرن قبل امس والليله يبن يردني // دل دلوك لين تطفي كبدك العطشانه

والهجوس اللي بقلبك خلهن يشكني // انت راعي ذنب واطلب ربك بغفرانه

عوض ابن زنيوط

مايصدر شي من عند الرقيب الفني // عقب دار بك الفلك في سيته واحسانه

انت ماتعرف علومي لين تقرب مني // الاصايل بالمعارك قاضبين اعنانه

سليمان اخوسلمى

الخيول الصفر يوم اقفن وش جابني // لاتمشيها بكذب ولا تغط اكيانه

اذكر اللي مات وانت اللي عليه اتحني // من على وضح النقى ماهي دروب اخيانه

عوض ابن ازنيوط

انشد الشيبان يامجنون لاتشغلني // من هو اللي حطوا السكين في وردانه

الله يعز الشيوخ بضلهم متهني // قدروا معك العسل والفول والفرانه

سليمان اخوسلمى

ردها لأهل الصحيح مسعرين البني // من هو اللي روحوا وضهورهم عريانه

جدي اللي طش جدك بالخلا مااستني // لين من هيباتنا كلٍ زبن مزبانه

عوض ابن ازنيوط

لو اقول ادخل على العريف ماتدخلني // افصل الكهرب وتطفي لمبة السخانه

ضيف ماودي عليكم باحتكام المني // بالسلوم الجار مايبحث خفا جيرانه

سليمان اخوسلمى

يوم هب لك الهوى ليت الليال اعطني // لجل أكيف روسكم كان انها ضرمانه

انته اعلومك شمالٍ والشيوخ اشقني // قبل لااتحكم الشيوخ اعيونكم عميانه

وشـــــــــــــــــرايـــــــــكـــــــــــــــم انشاء الله تعجبكم