موقع الشاعرغازي البراك موقع الجميع

قصيدة وغلات ثامر شبيب

أمانة أمك .. وأبوك .. وخالك .. و عمك
أو تدري ..؟؟ اسمع حبيبي ( بيتي الثاني )
وغلات ( ثامر شبيب ) إن كانه يهمك ..؟
ارجع عشان الغلا .. ولا على شاني
ياما تحملت .. حزنك .. ضيقتك .. همك
تعال اخذني من الضيقات وأحزاني
لا مر طيفك ؟ أضمه كني أضمك
الوقت بعدك .. كسر قلبي .. و بكاني
دمي وأحسه مشى في داخله دمك
لو كان ما تلحقك جدان جداني
حبيت أنا (أمك) .. عشان (محبتك لأمك)
لولاك ..؟؟ ما مر طاريها على لساني
كلمة ( أحبك ) صداها غير من فمك
اتصدق..؟؟ (اسمع صداها) وسط وجداني ..!!
ناديتك ف ( بيتي الثاني ) وأنا يمك
قطعت صوتي على صوتك ولا جاني
لكن وصاتي ..؟؟ قبل فرقاك (بلمك)
وأهديك ( بيت النهاية ) واترك الثاني
حبيت أعلمك (حاجه) يمكن تهمك ..؟
أنت (أول إنسان حبيته وخلاني) ..!!

الشاعر ثامر شبيب