لا تشمت بــــي وتضحــك عليـــه يالشمــــوت=كلمــــة لك قلتهــــا ما لك حـــــق تقولهـــا
أنت واجب ما تكلم ويلزمك السكــــــوت=المواقــــف والمواجيــــــب ما أنــــت بحولهـــا
خل هرجك بالسعه خل هرجـــــك بالخبوت=للفعـــول أوصـــول وإحنا نعــــرف أصولهـا
كانت الكورة بملعبك لكن طلعت أوت=ما أستفت من الفرص يـوم جتك حلولهـا
خلهــــا تعشش وتبنـــي عليـــك العنكبـــوت=ليـن تبنـــــي دولــــة عرضهـــــا في طولهــــا
تدري أنـــــي ما ترديت لكــــن البخــــــوت=نوب تمنع عكف الاشناب دون أفعولهــا
أن ثبتنا بحـــــزت الضيق برهنــــا الثبـــوت=وأنــــا بغينــــــا حاجــــة ٍ باللزوم أنطولهـــــا
ما كسبنا عزة النفس من سود الكروت=ولا شكينا من ظهــود الزمن وأحمولهــــا
ولا طلبنا من ضعوف البشر شرهه وقـــوت=عـــــــزة ٍ بنفوسنــــا واضـــــــــحٍ مدلولهـــــــــا
لا تهقاء أنــــي يــــوم فوتها تبــــي تفـــــــــوت=خوذ منـــي كلمــةٍ واعتبــــــر مسئولهـــــــا
الحقــــــــوق مثبتــــــه والدلائل ما تمــــــــوت=لو تعدل بالحجج ما نقبـــل معدولهــــــــــا
ولو تبا ها بالتجمــل وتكشخ بالبشـــوت=لرجّـــال بفعلهاا ما تبا هـــــــــا بزولهــــــــــا
علــــم اللي فــر مــخك مثـــــل فـــر الرمـــوت=لا يحسب الناس مثلك يفــــر أعقـــولهــــا

صح لسان الشاعر القدير فهد بن معيلي
على هالقصيده الرائعه والغير مستغربه
من الشاعر فهد معودنا على الابداع والجزاله
تقبل مروري المتواضع يابوعادل