يـاراكـب الـلـي مايـدانـي الصـفـيـري=هميلـع مــن نـقـوة النـجـن سـرسـاح
امـــه نـعـامـة وضـربـوهـا بـعـيــري=وجـا مشبهانـي علـى خــف وجـنـاح
عليـه خـرج مــن سـلـوك الحـريـري=عصـاه عـود البروقـة عـقـب مـافـاح
يسري من الطايف ويمسي البصيري=سفـايـفـه مـثــل الـغـرابـيـن طــفــاح
مزهـبـك يــا راعـيـه تـمـر وفطـيـري=واحذر تشب النار يجفل مـن الضـاح
والـيـاورد يـشــرب ثمـانـيـن بـيــري=غـرافـهـن تسـعـيـن ودلـيـهـن مـــاح
رجلـيـه بالـحـرة وصـــدره يـسـيـري=ويشرب براسه من على جمـة رمـاح
يـاويـش هـوشـي طـويــل قـصـيـري=يسـبـق زعاجـيـل الهـوايـوم تـنــداح

وأتي الرد طريفآ ايضآ من محمد بن قرملة

ياتركي بن حميد وش ذا البعيري=ماتجلبونـه كـان تبغـون الاربـاح
لا عاد له خـف وجنـاح ويطيـري=انا اذكر الله كيـف راعيـه ماطـاح
ياربعـنـا ياحـلـو كــذب الامـيـري=اقول ذاكذب علـى النـاس فضـاح
كيـف النعامـة نـوخـت للبعـيـري=يا حلو قول مروية علط الارمـاح

الله يرحم الشاعرين الكبيرين...
ومشكور يابو نايف على النقل
تقبل تحياتي وتقديري .