قصيده اعجبتني للشاعر بشير سعدي الزبني

في زمـانٍ يستبيـح الخطّـر المنساحـه=جمرته بين الضلوع ونـار حقـده حيـه
غن يالطرقي حدا من مسـرح المفتاحـه=لا تجاوبني علـى طـرقٍ يزيـد الكيـه
دوايٍ معك الهجـوس وشـرّده سباحـه=ميـر هـاك المحتـوى برسالـةٍ نصيـه
القلوب آخوان والماضي علـى مرواحـه=عاد لا تلحـق مذيـع النشـرة الجويـه
كنّة الجوزاء عصـر وأيامنـا سراحـه=بيني وبينك ترى الأوضـاع دون اشويـه
قص لي كرت الصعود امن المطار اسياحه=ودنـا فـي ديـرةٍ ماتنكـر الطرقـيـه
فوق سـرداً تـردف الركـاب والملاحـه=من مطار العاصمـه للوجهـه المعنيـة
درة ٍ محصولهـا الرمـان و التفـاحـه=والتلاع تطـاول المجموعـه الشمسيـه
جوها ينعش وطلعتهـا تجيـب الراحـه=فـي طرفهـا ودّع الأحـزان والنفسيـه
لا دنت غر المزون امن الجبل والواحـه=ذعذع الغربي وداعب نسمتـه عصريـه
جزت عن بعض الوجيه اللي غدت مساحه=للردى , وأيدينها دايـم لكسـب السيـه
الوله يكرب ضلوعي وآخـذ لـه ساحـه=في عروش القلب , والسجه ضحى ماريه

صح الله السان شاعرها
وسلمت انامل ناقلهاانتقاء مميز
مشكور يابو نايف