قصيدة نادرة تحث على الزواج ونصائح قاسية
ياسامع مني نصيحة وبرهان *** لشبابها وشيبانها والبخيلين خسران ياللي تجمع المال خسران *** ماتنفعك دنياك والعمر سبعين ولدك مرتاح بها وانت شقيان *** عندك عجوز وجامع لك ملايين تجي من اعمالك الىالبيت زهقان *** تبي قدوع وقهوة وشاهي زين تطلب غداك من الفجر وانت جوعان *** قطعة دجاج مثلج وزربصحين زوجتك عجوز كالهزيلة من الضأن *** تلج وتخاصم تقل تطلبك دين تشكي ظهرها والمفاصل وسيقان *** ولضغط والسكر مع منطق شين وعيال بنتك عندها تقل فيران *** تخرب كما خرب سدمارب شياطين تكسر فناجيل ودرايش وبيبان *** صجه ولجه وعند وجهك بزارين قم واستعذ بالله من كل شيطان *** اظهر وخل البيت وانص الديايين تلقى سماط وكبسه ولحم خرفان *** من رأس مالك يخصمونه من الدين متع حياتك قبل يارثك قطعان *** لاشاف جثمانك على القبر بكفين يأخذ بناتك والمهر منه طفران *** يتهنى بمالك واملاكك والملايين ويفرش له فراشك وبيتك له اسكان *** يتنعم بثروتك وحلالك يامسيكين تزوج الابكار مادمت شبعان *** وأم العيال في بيتها والبزارين اغنم وخذلك بنت بكر على شأن *** تلقى بساتين ثمرها فيتامين وكل مااقبلت تفز ولو انت تعبان *** تعطف عليك وتهمزك بملس اليدين رشف العسل بين الشفايا والاسنان *** الله جعل فيها الشفا للمصاخين الذ من البارد على كبد عطشان *** واحلى من الوجبة بعد جوع يومين همهم وحبحب وارتعش تقل ولهان *** محروم من شوف البنات المزايين انسامهن عنبر ومسك وريحان *** من جرب الأبكار عاف ام خمسين وإن جاء عجوزه نام عند ام عثمان *** من ذاق لحم الريم عاف البعارين يرجع شبابك ومنوالن مثل ماكان *** يدق سلف مايبي دف بيدين تمتع بدنياك حيث العمر فان *** اكرم عيالك والرحم والمساكين لابد من يوم تحزم بالاكفان *** وتحط في قبر على عمق مترين اموالك جمعتها بمساهمات وبنيان *** وتراك مسئول عن الزين والشين ينعم بها الوارث بنات وصبيان *** وعيال بنتك يوم الاحزان فرحين مالك سوى ماأكلت وأبليت بأحسان ***على الفقير وطلعت ربك على الدين وصلو عدد ماعلت السحب وديان *** على النبي اللي هدانا الى الدين هذه قصيدة خاصه واهدا خاص الكم |
رد: قصيدة نادرة تحث على الزواج ونصائح قاسية
رشف العسل بين الشفايا والاسنان *** الله جعل فيه الشفا للمصاخين
الظافر تقبل مروري ؟؟ مبارك عليك الشهر وكل عام ونت بخير |
رد: قصيدة نادرة تحث على الزواج ونصائح قاسية
هههههههههههههههههه
الظافر وش ها القصيدة جبت العيد يارجال حنا باليالي رمضان ليتك اجلتها شوي مشكور على الطرح وبيض الله وجهك تحيتييييييييييييييييييييييي |
رد: قصيدة نادرة تحث على الزواج ونصائح قاسية
اقتباس:
المشاركة الأصلية كتبت بواسطة سعود العجوني http://www.gazialbrak.com/vb/clubara...s/viewpost.gif رشف العسل بين الشفايا والاسنان *** الله جعل فيه الشفا للمصاخين الظافر تقبل مروري ؟؟ مبارك عليك الشهر وكل عام ونت بخير الله يبارك فيك ويتقبل منا ومنكم صالح الاعمال لي الشرف يابعدي ان اول واحد يرد على القصيدة انت شاعر وعلم من اعلام عبس |
رد: قصيدة نادرة تحث على الزواج ونصائح قاسية
صح لسانك ياالظافر ياليتك قدمتها اواخرتها بعد شهر رمضان مابشرتنافيها بهشرالشريف شوف سعود العجوني وش يقول عن رشف العسل تقبل مروري ؟؟ و مبارك عليك الشهر وكل عام ونت بخير |
رد: قصيدة نادرة تحث على الزواج ونصائح قاسية
اجل يبي بنت بكر ماهوب عشان((شئ)) بس عشان اتهمزه ياحلوك قا ا ا ا ام حضي اذا قبل في شا ا ا ايب _ههههههههههههه
|
| الساعة الآن 03:44 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir