ياحي هالنظره وياحي هالقد=وياحي سودٍ ما يقاوم هدبها
يكفيك شر الحاسد الحاقد اللد=ويكفيك من شر العيون وسببها
ما كن خصرك من غذاء يدك يمتد=كنه تعدى يم غيره طلبها
شيٍ شكا جوعه وشيٍ شكا الضد=متعزلٍ وحقوق بعضه سلبها
متناسقٍ متضاد معزول منشد=متقاربٍ متباعدٍ من عجبها
كن إبعضه يسأل وبعضه له يرد=كنه مسافات التباعد حسبها
مثير مغري ما عنه غضه وصد=كل العيون ان مر فيها جذبها
ياود حالي حظ من كنت له ود=الا ياحظ اللي نسبه لنسبها
لو ان فيها يجمعه عاشر الجد=حظيظ لو ما شافها ولا قربها
تعد باسم لله يامايس القد=يحفظك من شر العيون وسببها