بـدا الشتـا والقيـض قـفـى والسـنـه قـفـت وراه
بـدا الشتـا والقيـض قـفـى والسـنـه قـفـت وراه وانـا انتظـر والنفـس تبغـا حاجت(ن)عيـت تبـيـن لـو كـل مـن يتعـب ويركـض لحـق بالدنيـا هــواه ان كان انا اول من لحلق هواه من كسب اليمين ولـو كـل مـن قـام يتمنـى بالعـمـر حـقـق مـنـاه ماحدن شكى هم الفـراق ولا بكـت غاليـن عيـن والادمــــي قــــدام لا يــولــد ويــبــدا بـالـحـيــاه مكتـوب لـه عمـره ورزقـه والاجل فـوق الجبيـن وعـزي لمـن طـول رجــاه ولاتحـقـق لــه رجــاه وواصـل علـى خـط انتظـار الحـزن بالدنيـا حزيـن وين الرجال اللي بهم في هالزمـن فزعـه وجـاه دام الـرجـل خـابـت ظنـونـه بالـرجـال الطيـبـيـن من همه الحرمه رضاهـا والرجـل همـش رضـاه بالـعـدل والا الظـلـم مايرضالـهـا شـرع(ن)وديـن مــن خـابـت ظنـونـه بربـعـه بالـحـيـاه وبـاقـربـاه لو مالهـم محصـي عـدد حولـه حسـاب الميتيـن ياصاحبـي طـال النتظـاري والامـل ابعد مــداه وانــا اتـحـرا للبشـايـر كـــل يـــوم وكـــل حـيــن وانته عليه قاسيـن واقسـى علـى مـن الصفـاه وانا عليـك الشفـق مـن النـاس العقيمـه للبنيـن عجزت عنك اصد قلب(ن)شـب مـن صـدك عنـاه اللي سكـن غابـت غـلاك وصـار لـك خاتـم يديـن ياصاحبـي جاهيـك باللـي عالم(ن)قلـبـك خـفـاه لـواحـد الـلـي لــه عـبـاده راكعـيـن وسـاجـديـن جاهـيـك بالله راع مــن سـلـمـك بالـدنـيـا غـــلاه وتكفـى تغيـر نظـرتـك يـمـه بالـطـف ولــه تلـيـن اللي نثر دمعه عليـك وشفـت فـي عينـك ابكـاه فـي ساعة(ن)صدفـه بـلا ميعـاد جمعـت الثنيـن ادخل شريك الروح ونس الوقـت يالغالـي شقـاه وخلك مع اللي صرت بعيونـه وفـي قلبـه ثميـن اقلـط فـداك الــروح وانــت العـمـر بالدنـيـا حــلاه ورهن الاشـاره منـك يالغالـي ولامـرك حاضريـن وقطف ثمر غصن الغلا اللي من غلاك الله سقاه واللي باقلبـي صبلـك ياصاحبـي شـوق وحنيـن عيـدك مـبـارك ياولـيـف الــروح بـظـروف الحـيـاه ياللـي غـلاك الـلـي مـعـي غــلا عـيـال والـديـن |
رد: بـدا الشتـا والقيـض قـفـى والسـنـه قـفـت وراه
والادمــــي قــــدام لا يــولــد ويــبــدا بـالـحـيــاه
مكتـوب لـه عمـره ورزقـه والاجل فـوق الجبيـن ،،،،،،،،،،،،،،،،،،،،،،،،،،،،،،،،،، الشاعر خليف احييك تحية الاسلام على هذه الابيات الرائعه شاعر متمكن من كل اطراف الشعر الشعبي ولاهو غريبه عليك الابداع وتقبل سلامي |
رد: بـدا الشتـا والقيـض قـفـى والسـنـه قـفـت وراه
الابداع ماهو غريب على اهل الابداع والحكمه
صح الشانك ياخليف وبيض الله وجهك تقبل مرور العاقل1 |
رد: بـدا الشتـا والقيـض قـفـى والسـنـه قـفـت وراه
بحر من بحور الشعر تصوير معناة شاعر
من تحلليلي وتفكيري في ابيات القصيده تصور لي الاحداث اللي يمر فيها الشاعر خليف الوهيداني صح الله السانك يابو فيصل والله يعينك ويهون معاناتك |
رد: بـدا الشتـا والقيـض قـفـى والسـنـه قـفـت وراه
شاعر ..
قدير .. كتب على بحر .. أضنه من بحور الرد .. معاني لا غبار عليها .. لله درك على هذه الرائعة .. |
رد: بـدا الشتـا والقيـض قـفـى والسـنـه قـفـت وراه
لله درك على هذه الرائعة .. الابداع ماهو غريب على اهل الابداع والحكمه صح الشانك ياخليف وبيض الله وجهك |
رد: بـدا الشتـا والقيـض قـفـى والسـنـه قـفـت وراه
وين الرجال اللي بهم في هالزمـن فزعـه وجـاه
دام الـرجـل خـابـت ظنـونـه بالـرجـال الطيـبـيـن من همه الحرمه رضاهـا والرجـل همـش رضـاه بالـعـدل والا الظـلـم مايرضالـهـا شـرع(ن)وديـن مــن خـابـت ظنـونـه بربـعـه بالـحـيـاه وبـاقـربـاه لو مالهـم محصـي عـدد حولـه حسـاب الميتيـن الشاعر القدير خليف الوهيداني قصيدة لا أبالغ أن قلت من أجمل القصائد التي وضعت بهالموقع صح الله لسانك وخفف الله عنك همومك تقبل مروري |
| الساعة الآن 11:45 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir