اعزائي زوار واعضاء موقع الجميع اسعد الله جميع اوقاتكم بكل خير وسرور
من باب اللقاءات الودية للتعارف والترابط بين أبناء افراد القبيلة قبيلة بني رشيد
أقام العميد / عارف بن علي العجوني الرشيدي مأدبة العشاء بأستراحة الروضة بمحافظة المجمعة
حيث حضر هذه المناسبة وجهاء وأعيان من القبيلةحيث كان لشعر حضور بهذه المناسبة
للشعراء لهم مكانتهم الشعرية وجمهورهم الذي يطرب لسماع قصائدهم وهم الشاعر الكبير
عوض بن خيران الرشيدي والشاعر الكبير صاحب موقع ومنتدى الشاعر غازي البراك فكانت البداية كلمة ترحبيه
بضيوف هذا اللقاء من راعي هذا اللقاء العميد عارف بن علي العجوني نيابة عنه القها محدثكم مبروك بن عبيد كذلك قصيده
ترحيبيه سبق وان قلتها بمثل هذه المناسبة فإليكم القصيده الترحيبية

قصيدة الترحيبيبه بهذه المناسبه
الاولـه بسـم الله ابـدا واتـوكـل وستعـيـن===الواحـد اللـي عالـم دق الامــور وجلـهـا
وطلبـه لامنـي تقدمـت بحضـور السامعيـن===اجمل اهـل الطيـب بالوقفـه ونـا كفـو لهـا
والثانيـه يامرحبـا بضيوفنـا والحاضـريـن===واجـب علينـا قولهـا ونقولهـا فـي حلـهـا
يامرحبا عـد الليالـي والشهـور مـع السنيـن===وعداد رش المزنـه اللـي ازرق المـاء هلهـا
انسوقهـا بالعـود الازرق للرجـال الطيبـيـن===والطيب لاهل الطيب واهل الطيـب هـذا دلهـا
باسم الرجال اللي مع اهل الطيب تنشاف وتبيـن===اللي بهم تفخررجال الطيب ورخوم الرجال اتعلها
اللي لهم بالطيب من مـاض الليالـي والسنيـن===من سالف امجاد الجدود اللـي بقـى ورثٍ لهـا
مثل السيوف اللي تعزل الراس من حـد الوتيـن===في جمع فرسانٍ تلاقت والسيوف الحدب بين سلها
ونا اتقدم باسمهم واقولها بضيوفنا والحاضريـن===واجب عليـه اقولهـا واقـف ونـا كفـوُ لهـا
-----------------------------------------------
http://www.youtube.com/watch?v=uuiXS...layer_embedded

يامرحـــــبا ترحيبتن تشرح البــــــال === بضيوف عارف والعزيمه واهلها
نـعــم الرجــال الي لها اقـوال وافعـال === يــا قــوالها يـا فعـالـها يـا مثلـها
هــذا الصحيــح وكلمة الحــق تنقـــال === الكلـمه الـي مــا نــدور بـد لــها
وعارف طويل الباع ومن معدن رجال === لقـــال ابــن عجوين قـام وفعلها
طيب ولــه كلمه ومــطـلـع ومـدخـــال === ولينــوى درب المراجل وصلها
صميــدعــين تضــرب فيـه الامثــــال === يــوم العفــون مسكراتــن فللـها
ورجــال تلقــى فيـه مزبــان واظــلال === ورجــال كــانه حلــها مــافتلــها
ويا مرحـبا ترحيــبتن تشــرح البـــال === بضيوف عارف والعزيمه واهلها

يا ابو عبدالمجيد الطيب تسعابه وتحريبه === جمعة لنا الوجيه الطيبه ياطيب الفالـي
هلا حياكم الله مرحبا مليـون ترحييـه === نيابه عن معزبنا عريب الجد والخالـي
كريم يستمد الوصل من فعله ومن طيبه === يحب الوصل ويعز الصديق ويكرم الغالي
رجل بالمعرفه قدوه ومن يقرا مكاتيبـه === يقول العجوني عارف رقا بالمرقب العالي
مورخ في قبيلة عبس والعليـا مطليبـه === بحر بالمعرفه ماهي سوالف قاصد المالي
وانا احي الكريم وكـل رجـال يحيبـه === تحيه لك ابوعبدالمجيد وحذفـة اعقالـي
----------------------------------------------
حيث دار ميكرفون الشعر بين الشاعر عوض والشاعر غازي بقصائد عدة ومنها قصائده كانت مطلوبة
من الجمهور وقضينا وقت ممتع بأجواء شعريه
حيث كان تغطية هذا اللقاء بعدسة

موقع ومنتدى قبيلة العجاونة الرسمي
وموقع الجميع موقع الشاعر غازي البراك
تصوير الاستاذ / نايف العجوني
اعداد وتنسيق/ ابو عبيد
فأليكم الصور الملتقطة بهذه المناسبه

يا ابو عبدالمجيد الطيب تسعابه وتحريبه =جمعة لنا الوجيه الطيبه ياطيب الفالي
هلا حياكم الله مرحبا مليون ترحييه = نيابه عن معزبنا عريب الجد والخالي
كريم يستمد الوصل من فعله ومن طيبه = يحب الوصل ويعز الصديق ويكرم الغالي
رجل بالمعرفه قدوه ومن يقرا مكاتيبه =يقول العجوني عارف رقا بالمرقب العالي
مورخ في قبيلة عبس والعليا مطليبه =بحر بالمعرفه ماهي سوالف قاصد المالي
وانا احي الكريم وكل رجال يحيبه =تحيه لك ابوعبدالمجيد وحذفة اعقالي

الله يعطيك العافية يابو عبيد تغطية رائعة وشكراً للمصور الرائع نايف العجوني
وصح السان ابو يوسف والشكر موصول لأبو عبدالمجيد ولاهي غريبة عليه دائما علومة جزلة ومواقفه مشرفة