حضرت بالحفله وجبت اشعاري=شاعر ومن جزل القصيد اختاري
سلام يأهل العز واهـل الهيبـه=ياللي لكم عند العـرب مقـداري
حضرت اشارك ربعنا فرحتهـم=عن حفلهم لوغبت ويش اعذاري
عن حفلة اللي طيبهم يدرى بـه=وبفعلهم بيـن الرجـال أمـاري
كل الرويضات الكـرم عادتهـم=ولهم فعول الكـل عنهـا داري
افعالهم عند العـرب مشهـوره=متبينـات ولاعليهـا اغبـاري
وابختصر بعض الكـلام بقولـي=في موجز ٍ يكفي من الإخبـاري
الاولـه حمـاد يعـرف فعـلـه=وشهود قولي نص هالحضـاري
بالوقعه اللـي ماحـد ٍ يجهلهـا=من فعله أخصامه تخضع إجباري
وزابن ليا كبرت خصيم العائـل=من طيب فعله ماغدأ له ثـأري
وهني بذاك اليـوم فعلـه بيـن=يبيع روحه بيع هل من شـاري
وأكيـد مانجهـل فعـول مهنـا=أنشهد انه للعمـر مـا يـداري
ومزيد راعي وقفتنٍ معروفه= دايم على كسب المدايح ضاري
ويضأ ماننسى فعل راع الخلفـه= له بصمتن يبقى لها تذكاري
عالي وقف للقـوم دون الناقـه=يقول مااترك خلفتـي وحـواري
وسند سبيل اللي وقف مع ناصر=اللي وقف ضد العداء بسـواري
افعولكـم واجـد لـو اعددهـا=يتعـب بهـا كتابهـا والقـاري
لوجيت اعد افعولكم مااحصيهـا=ماتنحصي لأن الفعـول كثـاري
هرجن صحيح وسامعه يشهد لي=ماهو كلام من الحقائق عـاري
والشاعر اللـي مأيثبـت قولـه=يطلق عليه الشاعـر الهـذاري
وانـأ حفيـد الشاعرالمتمـكـن=اللي قصيده تقل نهـر ٍ جـاري
حامد ولـد عجويـن مأيخفاكـم=اسمه يعد من ابـرز الشعـاري

الشاعر القدير عضو ادارة موقع الجميع ثويمر العجوني عزالله قول وفعل علم من اعلام قبيلة بني رشيد

بالماضي والحاضر صح السانك وخوالي يستاهلون المدح الف مليون نعم بالرويضات اهل الفزعه والحميه

ولايهونون عيال الحمائل من كل القبائل العربييه

صح السانك

قصيدة جزله غير مستغربه من ابو نايف

والرويضات يستاهلون

تحيتييييييييييييييييي