موقع الشاعرغازي البراك موقع الجميع - قصة وقصيدة محمد بن عبيد العجوني وضيف شاعر عبس الشاعر سعدان بن عابس

قصة وقصيدة محمد بن عبيد العجوني وضيف شاعر عبس الشاعر سعدان بن عابس

قصةوقصيدة محمد بن عبيد العجوني وضيف الشاعر سعدان بن عابس القعبوبي شفاه الله والقصة قبل حوالي سبعة عشر سنه تقريباً وهي كان محمد بن عبيد العجوني والشاعر سعدان عابس جيران يسكنون في بيت واحد بمنطقة الرياض فكان ذات يوم من الايام كان محمد بن عبيد بعمله ولم أتى بيته سأل أهله جاك احد اواتصل فيك احد قالوا نعم سأل عنك ابووليد سعدان رفع الهاتف على ابووليد وقال سألت عني أمر يابووليد قال سلامتك فيه ابناخي لك تقهوى عندي جاي من بعيد وضنيت انك موجود واتصلت ولاكن تعال تقوى من قهوته حيث تو مشى مني فذهب محمد إلى ابو وليد فقبل أن يذهب كرر سؤاله على اهل بيته جاكم احد من بعيد أوسأل عني فردو عليه لم يأتي لنا احد فلما وصل عند ابووليد بادره بقول (( عزالله ماهو ابناخي لي اللي مامر بيتي وهو قادم من بعيد فقال ابووليد لاوالله الا بناخي لك وعزيز عليك يامحمد فقال منهو قال هو الشاعر عبيد بن باتل العجوني فستغرب وندهش منه محمد بن عبيد ضن انه يعلم انه ساكن بنفس البيت فقال سألك عني قال لا جاني وكان مستعجل وقبل ان يجي اتصل على واخبرني انه بالطريق فاتصلت بك ابغى تجي تقهوى فلم تكن موجود حيث جاء بلزوم ومشى إلي اهله بمنطقة حائل
فكان أحدابنا ء اخو عبيد بن باتل كان ينوي السفر من منطقة عمله الرياض إلى أهله بحائل فأبلغه محمد بن عبيد اذا بغى يمشي يريد ان بوصل معه امانه لرجل من يده ليده فقال انشاءالله ولم مشى ابن اخ عبيد اعطاه الشاعر محمد بن عبيد العجوني ( شريط كست بصوته)وقال امانه من يدي إلى يد عمك ابو عياد لان الشاعر عبيد كبير بالسن ولم يقراء ولا يكتب فأخبره اذا وصل هناك عند اهله كانو يجتمعون الجيران اذا اتت مناسبه مثل بقدوم الابن على اهله من عمله فأذا أجتمعوا ان يقول لهم انا معي أمانه من رجال وراعيها موجود وبغاكم تسمعونها يالربع ففعلا ذلك فقالوا سمعنا ومن ضمن هؤلاء الشاعر عبيد بن باتل فقام وشغل الكاسيت وهي هذه القصيدة بالقاء صوت الشاعر محمد بن عبيد قائلا:

قم يانديبي فوق من يدن الابعاد= جمسٍ ديار البعد يدني وطنها
وراعيه مادور كفلات الاقساد = والتابعية عندهم مارهنا
وليادعست سليتره قام يزداد= مواتر ماهو خسارة ثمنها
خذ الكتاب وصله لبو عياد= اللي دروب العز ماصد عنها
في مجلسه تلقى معاميل بغداد=فيها النجور اللي يهيض لحنها
لاكن ضربني ضربة وسط الاجواد= ضربة خطاء ماكنت فيه اخمنها
سلم على الجيران وقفى ولاعاد=وخافي سواته بان عندي علنها
ماكنت اخبره ياهل العرف صداد=ونبينا عن سيرة الهجر ينها

******** type="text/**********">doPoem(0)***********
فتفاجئ عبيد بن باتل وقال هذا محمد بن عبيد قال نعم حيث أنه لم يعلم ان محمد يسكن في حي النسيم حيث كان في حي النظيم فأرسل مع ابن اخيه
رد يوصل لمحمد بن عبيد قائلا :

جاني جديد الجمس من دون ميعاد= يحمل مكاتيبن تعقدت منها
فوقه غلام لاتوانا ولا ناد= شوق الهنوف اللي تحيمر وجنها
يامرحبا ياللي عن عبيد نشاد= من صاحب ادروب المراجل ضمنها
يامحمد بن عبيد لاتبعد الماد= تفتح دواليبن بعيد مخزنها
جيت الرياض مسافرن عقب مهجاد= والعبد يابن عبيد يومر وينها
شربت عند سعدان دله وبراد= ومشيت قبل الشمس يبدوقرنها
ربعن يهدون الصعب لين ينقاد= وحمولتن بالكون يعرف ضعنها
خابرك فالنظيم ياقرم الاولاد=في حارة ماحسبك شديت عنها
ماحسبك بالنسيم ياعقب الاجداد=لاوالذي خلق النفس وزنها
واقبل معاذيري من قلب وفواد= وثوب الوفاء يالقرم يكسي بدنها

******** type="text/**********">doPoem(0)***********
وقال ان كان لم ينفع العذر يابن عبيد مشيت من حايل ولااوقف الا عندك فقال محمد صدقت يابو عياد ويكفيني منك ردك
اقنعنعني ولو مانت غالي ماشرهة عليك
إلى هنا انتهت القصة امل ان وفقنا بالنقل المفيد تقبلوا تحياتي