شوي البارحه وكامرتي الجديده والخلطات السريه للشوي
السلام عليكم ورحمة الله وبركاته
مرحب بالشباب والصبايا ذكرتني اختنا في احد المنتديات عن سوالف الخلطات السريه للطبخات هههههه طبعا سوالف الخلطات السريه هذه من اسرار اخوكم ابوصالح الفنان في مطبخ حزب الزحازيح هههه البارحه صارت لي سالفه تقدر تقولون سوالف باربكيو يعني شوي بالهواء الطلق وسالفه مع صديقي الخاص الاستاذ ضاري ومعاها كامرتي الجديده اللي بغيت اجربها وانشرها لكم شريت كاميره كاسيو رقميه وقلت ابي اجربها على العشاء البارحه يالله شوفوا اول شيء رفيجي الخاص اللي قلت له ابي اصورك واحطك بالنت اول شيء ماكان راضي وقاعد ينحاش مني ليمن جكيته هههههه وكل ماصورت شيء قاعد يتطنز علي ويقول ابوصالح انت ماعمرك شفت كاميره هههه هالولد ماشاء الله عليه وعسى الله يخليه لابوه يتفاعل معاي وانا اعطيه الخيط واسولف معاه وكانني في عمره يالله نبدأ اولا بتصوير العشاء اول شيء جبنا اللحم المتبل بالخلطات السريه اللي مااعلم عليها احد http://www.3bstv.com/up/uploads/12678493461.jpg ---------------------------- وهذا صاحبي الخاص هههههه غصب يالله اخذت له صورة وقاعد ينحاش مني http://www.3bstv.com/up/uploads/12678494811.jpg ----------------- دايم يقولي قحص يعني فحط يابوصالح لمن اسري من الدوانيه هههههه جان اقوله ترى ماني مقحص هالمره وبعدها تذكر حاجته عندي هههه جان يستسلم وصورته وهو مكسور الخاطر http://www.3bstv.com/up/uploads/12678496241.jpg --------------------- بعدها قعد قبالي على الشوي وقاعد يطالع الشوي وهو جوعان ههههه http://www.3bstv.com/up/uploads/12678497621.jpg --------------------------- وبعدها طال عمركم خلص الشوي اللي على كيف كيفكم ومابقى الا القليل http://www.3bstv.com/up/uploads/12678498671.jpg |
رد: شوي البارحه وكامرتي الجديده والخلطات السريه للشوي
أهلاً أهلاً بصاحب الخلطات السريه ..
من زمان عن هالحركتااات << قلنا اعتزلت الطبخ هع.. والله يبارك باللي ذكرتك بها السوالف عشان نشوف ابداعك .. >> لكن مع الاسف الصور ماطلعت عندي :( .. لك جزيل الشكر .. ولاعدمنا خلطاتك دلوعته : |
رد: شوي البارحه وكامرتي الجديده والخلطات السريه للشوي
ههههههههههههههه
ضحكت من المقدمه لكن ودي اضحك من الصور يابو صالح اهم شي تاكد من ضمان الكامره ترى يمكن صورها محجوبه عن النت واللي ذكرتك الطبخ قلها تجي تطبخ لنا هنا ترى عندنا صبايا مايعرفن السكين من الملعقه ههههههههه |
رد: شوي البارحه وكامرتي الجديده والخلطات السريه للشوي
اقتباس:
المشاركة الأصلية كتبت بواسطة غازي البراك http://www.gazialbrak.com/vb/gk/buttons/viewpost.gif ههههههههههههههه ضحكت من المقدمه لكن ودي اضحك من الصور يابو صالح اهم شي تاكد من ضمان الكامره ترى يمكن صورها محجوبه عن النت واللي ذكرتك الطبخ قلها تجي تطبخ لنا هنا ترى عندنا صبايا مايعرفن السكين من الملعقه ههههههههه حياك الله يابويوسف انت مع ربعك كلهم جعلها ضحكة دايمه وعسانا نضحك ووالدينا جميعا بالفردوس الاعلى والله البارحه سوالف ضحك صارت على الكامره وعلى هالصبي هذا ساعتين وانا احاول فيه ويالله اخذت هالصور منه بالمناسبه ترى الصور طالعه عندي ومادري ليش ماتطلع عندكم المهم ادري انك راح تركز على مواصفات الكاميره اسم الكاميرة كاسيو Z90 12 ميغا بكسل والزين فيها ان سعرها 60 دينار وفيها اهم شيئ تصوير فيديوا بوضوح عالي HD هاي ديفنشن بقوة 1 ميجا لمن تقارن مواصفاتها بالكاميرات الثانيه وبسعرها تجدها انها ارخص منهم بنصف السعر بالنسبة للطبخ تدري عندنا اجازات بالايام اللي طافت ومرينا على استراحات الحفر وحنا بطريقنا الى اداء العمرة وسوينا بروفات على الطبخ بالطريق ههههه وتذكرت مطابخنا بالمنتديات مشكوور يابويوسف على المرور وان شاء الله راح ارفع الصور مرة اخرى |
رد: شوي البارحه وكامرتي الجديده والخلطات السريه للشوي
اقتباس:
المشاركة الأصلية كتبت بواسطة دلوعته http://www.gazialbrak.com/vb/gk/buttons/viewpost.gif أهلاً أهلاً بصاحب الخلطات السريه .. من زمان عن هالحركتااات << قلنا اعتزلت الطبخ هع.. والله يبارك باللي ذكرتك بها السوالف عشان نشوف ابداعك .. >> لكن مع الاسف الصور ماطلعت عندي :( .. لك جزيل الشكر .. ولاعدمنا خلطاتك دلوعته : هلا فيج يادلوعته الله يبارك في عمرك ويرزقكم باللي تتمنونه ويرحم والدينا ووالديكم جميع كل مااسوي طبخه بالرحلات اصورها على كاميرة الجوال وعندي صور كثيرة بس محد يشجعني يادلوعته ههههه البارحه صورت هالصور وماكان في بالي ان انزلها ولكن شفت موضوع لاحد الاخوات عن الخلطات السريه وقلت خلونا نشوف وضوح الصورة بالمنتديات الف شكر يادلوعته ويامال العافيه بس نبي منكم او من احد المشرفين ان ينقلوا هذه الصور الى الموضوع الرئيسي لانني غيرت مصدر هذه الصور علشان تظهر الصور للجميع طبعا مواقعها بالتسلسل وحسب التنسيق السابق http://www.bestq8.com/up/uploads/8d30333518.jpg http://www.bestq8.com/up/uploads/3959ee0f78.jpg http://www.bestq8.com/up/uploads/4849c59a58.jpg http://www.bestq8.com/up/uploads/7453915cf3.jpg http://www.bestq8.com/up/uploads/0ff90fb555.jpg |
رد: شوي البارحه وكامرتي الجديده والخلطات السريه للشوي
مشكوووووور والله يعطيك الف عافيه
|
رد: شوي البارحه وكامرتي الجديده والخلطات السريه للشوي
اخوي ابو صالح
ما شاء الله تبارك الله صور جميلة الله يعطيك الف عافية وتسلم ايديك صحتييييين |
| الساعة الآن 06:36 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir