موقع الشاعرغازي البراك موقع الجميع - الشاعر كريم العنزي يمدح مصاب الواجب رشيد الرشيدي

قصيدة لشاعر المحاورة المعروف كريم رحيل العنزي بمصاب الواجب رشيد فريح القعبوبي الرشيدي التي القاها في حفل منطقة القصيم :

القصيد من الفنون يقال فـي وقتـه وحلـه
واجب الشاعر اليا منه بغى يقصـد بدابـه
قلت للهاجوس غن وقال والطـاروق قلـه
قلت قايله من اول واسئله واسمـع جوابـه
ناصحه ومنبه لايصير بـه غلطـه وعلـه
لايجبه نقـص حتـى بالقرايـه والكتابـه
العـرب فيهـم طبيعـة سـودلله بيـض لله
نقدوا دين الرسول وعذربوا نهج الصحابـه
يلحقونك بالملامه لـو تـزل أدنـاة زلـه
لاتهيا علم غنوبـه علـى قـوس الربابـه
مار بإذن لله تعالـى نعقـد الحبـل ونحلـه
وكل طاروق عليه ملاحظـه مقفـول بابـه
ياسلام لله على راع الشرف والحفـل كلـه
دون نفسي بالاصاله دون غيـري بالنيابـه
للزميل اللي دعانا واجتمعنـا فـي محلـه
عد مانبت النبـات وعـد همـال السحابـه
يوم عاد القرم طيب والليالـي مهلـت لـه
راح في سود الليالي مير رب البيت جابـه
وصلت الفرحه الى المريخ ونجوم مطلـه
غاب رجال عزيـز ورده لله مـن غيابـه
والحدث بنفوسنا ومعايشينـه مـن حصلـه
ولاخبر رجال منا مـال للشـي ورضابـه
وسمها في صدورنا متبينن مثل الأهلـه
مانبي يلحقك حسره لو كبـر راس الذبابـه
ومصدر الارهاب رب البيت يخزيه ويذلـه
لأن ماسووه فوق الأرض نوع من الحرابه
واثبتـي يادولـة التوحيـد دولـة مستقلـه
راسيه دايم كماترسي الرواسي من هضابه
في قيادة شيخها اللي ينقل السيـف ويسلـه
وان حكم يحكم من اللي نزلله فـي كتابـه
ويارشيد فريح كل اللي حصل في قـدرة لله
تعتبربصمة شرف ماتعتبر بالوجـه اصابـه
اعتبرها وسام في كـل القرائـن والادلـه
تضحية دون الوطن لان الوطن غالي ترابه
بيض لله وجهك اللي ماوقف وقفـة مذلـه
وطول لله عمرك الوافي وزود في حسابـه
وان وقفتوا وان فعلتوا مثل دق الأمر جلـه
فعلكم ماهو جديد وطيبكـم ماهـو غرابـه
من سلايل عبس مافيهم نهار الضيق خلـه
رافعين الروس يوم السيف يمسك من نصابه

الشاعر / كريم رحيل العنزي