اخواني اعضاء موقع الجميع والزوار الكرام
السلام عليكم ورحمة الله وبركاته

يابن بدوي جيتك ملبي لدعواك = جيت متعني ماحسبت الظروفي
المجد لك والطيب لك لاعدمناك = شيخً ولد شيخَ زعيم معروفي
كريم دايم تفعل الطيب يمناك = والشعر في مدحك نقطة للحروفي
لو أمدحك بالشعر ماحصي مزياك = ماهقوتي في مدحك الشعر يوفي
اليا نصاك اللي من الظيم ينخاك = يبشر بفزعه ماوراها حسوفي
ماهو معين خير رجلاً تحداك = الحق واضح والخطاء مايطوفي
سجل الك التاريخ مجد على اباك = يوم ان مابه غير سل السيوفي

والف نعم بالشيخ صلحان بن فلاح بن بدوي
راعي الكرم والطيب والسمعه الطيبه
ولا غرابه في ذلك فهو شيخ متسلسل من سلالة شيوخ
وفقه الله لما يحبه ويرضاه
وبيض الله وجهك يابو يوسف انت وفريق الموقع المرافق لك على هذا اللقاء الجميل والزيارة المشرفة لابانات