أعوذ بالرحمن من حضرةأبليس=وأسال عظيم الشأن مايسالونه
المؤمنين الصادقين المحابيس=من روضة المسجد الى مكرفونه
ماحاك ليل وماتجلت غطاليس=ومالاح برق وماتهامت مزونه
على شواهق نايفات التضاريس=لهاقه المقذول سردا النمونه
دار لنا فيها جداد ومداريس=وسم جلا يوم الحجر ينقشونه
ماتخلفه جرد السنين المماريس=ولا جديدين الاثر يخلفونه
علم يدرس بين الاجيال تدريس=من السلف جيل الخلف يحفظونه
مجد على فوق النجوم المراويس=ماعاد نوام الضحى يلحقونه
من قبل لا تنقش صدور القواميس=والحبر والبردي ومايكتبونه
شمس الضحى تعمي عيون الفوانيس=والجدي وان تاهوا عرب يهتدونه
لو رامت التزوير بيض القراطيس=يمسون اهالي الحق مايملكونه
ورغم اختلافات الزمن والمقاييس=وملاوع القسوه من اجل الليونه
تبقى متاعيس الخلايق متعايس=جيناتها تفرض عليها المهونه
واعزتي للي ذراهم هداريس=من وين ماهبت تطاير ركونه
من الخطأ لمسة جروح الموانيس=واحيان لمستها هو اللي يبونه
ما اعرف اهرول مع طريق العواكيس=ومن حيث مايبدون به ينتهونه
اعرف اطير من هجوس العواميس=عوماسها ورهي عليها الميونه
ولا هواجيس الرخامه هواجيس= تقنيدها اهل الكيف مايشربونه
ابليس راعي الحسحسه والوساويس= والجن عفريته جنونه جنونه
والهدهد اللي روعه عرش بلقيس=عيت تطابق مع حلومه ضنونه
دولة سبأ جرت عليها الحواسيس=وعود جناحينه تهدهد متونه
اغراه عرش البنت مير المفاليس=ان لاوح النوماس مايقدرونه
ويوم انتخى سليمان بأهل النواميس=وكل عن ذراعه يفسر ردونه
ماجابه الا مقيس الوضع تقييس= قدام لايرتد طرفه لنونه
ياشيخ جيتك من بعيد المراميس=اللي قريبين المدى مايجونه
مارحت ادور عن عيونك مداسيس=ولا جيت ابي منك العطا والمعونه
ماهو تغطرس سد باب الغطاريس=عزاي معنى مقصدي تفهمونه
انا ولد خالك بعيد المناطيس= ماني ولد هيش تبارق عيونه
بالعز يطرقني عذي النسانيس=وابلج عفيف الصبح في زيزفونه
تدري وانا ادري ياجويد المماسيس=اني حزام للبرى تذخرونه
من لابة يوم الجموع الكراديس=من قال انا مقدامها يفهقونه

ليا اختلط عج المهار الملابيس=مفلاك مقذوف العطب ماتخونه
وسلمت يامحرق كبود المحاميس =ومن الصخا والجود تندا صحونه
ياللي نشيت وشبت بأسمى المتاريس=ماخنت اماناته وما اختلف شونه
ابن بدوي صلحان ضلع القرانيس=اللي كريمين النبا يدهلونه

بسم الله ابدا واعوذ بقدرته واستعين=واغوص بحر المعاني واخذ اجزالها
يامرحبا ياهلا ترحيب وافي ثمين=اعدادمـالاح برق الوســــم بخيالـــــها
بضيوف أمير كريم وبالمواقف يبين=مثل الجمل لابرك للحمله اشتالها
أمــير كافة أهل أبانات علم يقين= مـــاهي سواليف مـــن هــا بد ولاطالها
موثقه والحقايق تد مغ الجاحدين=شمس الضحا مـــاتشابه طلـــعت هلالها
صلحان سم على كبود العدا الحاقدين= ناس مــــن الحــقد فال الله ولا فالها
يأهــل الحسد والنميمه كلكم خاسريب= أمارة ابن بدوي من خيرة ارجالها
ورث بدوي قيد السبعه بعسر ولين =اللي حموا مــع سهلهــا شمخ اجبـــالها
بالسيف الاجرد وأخوه الرمح ومدونين= في صفحة العز ذكرى سيرة أبطالها
واللــي لـــــحقهم مـــــن الأقراب ومقدرين = اعيال عــــــم رفيع دوم منــزالها
ربعي هل الجود والطولات في كل حين =ضلع شموخ وذرا مع راهي اضلالها
وقـــــت اللقاء من حضر يكفي عن الغايبين= مظابره وافتخر واعتز بفعـــالها
للخـــصم جمـــر تلظا بين جفن وعين= اخصامهم في نهار الكون عـــزالها
دلبل قولي خناق دمــــــر المعتدين= يــــومن شبه الجزيره توحش أهوالـــها
القاسيــــــه قدم عبــس بشاية الله تلين= الـــعز والطيب ورث اجيال لجالها
والنـاس بالسلم وايضا الحرب متقاربين= قبـــــايل دايم الــــجزلات تسعالها
وصـــــــلاة رب عظيم وخالق العالمين=على محمد عدد مــــــــاهل همالها