موقع الشاعرغازي البراك موقع الجميع - نبذه مختصره عن الشيخ / شالح بن فالح بن سمره

السلام عليكم ورحمة الله وبركاته

اخواني واخواتي في موقع الجميع والزوار الكرام

هذه نبذه مختصر عن شخص يعجز التعبير عن وصفه
رجل يجبرك على احترامه
رجل صاحب نخوه له من المواقف المشرفه الكثير والكثير
مع ربعه ومع غير ربعه قيل فيه الكثير من القصايد
دايم مشارك وداعم كل مايخص قبيلته وشعراء القبيله
في اي مسابقه انه الشيخ / الرائد
شالح بن فالح بن سمره الرشيدي
اسئل الله له الصحه والعافيه
قال فيه الشاعر محمد بن دهيم الرشيدي

سلام يراع الوفاء والمواجيب=ياراعي النخوة من أول أوتالي
سلام ٍ أحلا من لبن شمخ النيب=واحلى من المي القراح الزلالي
الك انت يارا عي هلا والتراحيب=ياراعي الفزعه كريم السبالي
شالح ابن سمره عطيب المظاريب=من لابتن يوم القا ماتبالي
الها بفعل الطيب بيت أومكاتيب=والها الشجاعه والشرف والمعالي
منها أوفيها منبع الطيب والطيب=موجود فيها بألوفا والكمالي
وكلن له بنجد العريظه مضاريب=كل القبايل من جنوب او شمالي
ماذمهم والذم في مثلهم عيب=كلن الياجا الطيب جاله مجالي
قلته ومن ماقلت مالي مطاليب=الا الشرف لي ياكريم السبالي

******** type="text/**********">doPoem(0)***********وقال الشاعر المقدم ناصر الدعجاني العتيبي

قل لابن سمره ترى الجدر متهايل=ازرت الاركان لا تشتال حمله
ما قدره الا مقدايم الحمايل=عزوتن بافعالها تنصك عملة
الامر لا صار عند الناس هايل/عندهم ما كنه الا حمل نمله
ما لقينا في مناكبها بدايل =كود من يشري فعول الطيب جمله
يامروية القنا فوق الاصايل=يامروعة العدو بفراق شمله
ياسلايل عبس والعرب الاوايل=سيف عنتر كل قاسي ينهظم له
ما حكينا الا على فعل ودلايل=في زمن ما ينقدر من غير صمله
ما تغط فعول وافين الخصايل =مثل ضلع طويق ما غطاه رمله

******** type="text/**********">doPoem(0)***********

مقال فيه الشاعر الشيخ /
عبدالله مبروك العازمي ابن أمير العوازم

أزف شعري لبن سمره بليهان=شالح اليا بانت فتوق الليالي
ولد صديق ابوي خاله كحيلان= صقرآ تعلى نايفات الجبالي
ماغرته دنياه يتعب على شان =كسب الجميل ومزبنن للرجالي
ملك من كنوز الوفئ كل مرجان= وتوجته الحكمه بصدرآ شمالي
حكيم راي وشيخ وسلوب ونسان= بقلوب ربعه والجانيب غالي
وختامها سته وعشرين شعبان= قدام شهر الصوم بربع لليالي
ازف عطرات التهاني للنسان= الي ملك حكمه وصدرآ شمالي

******** type="text/**********">doPoem(0)***********

الطيب مبدأ طيبين السلومي=اللي لهم في مجلس الذكر نوماس
منصى الرجال وكل حر عزومي=وقفاتهم تجلى مرارات الاتعاس
ومدحي يقوم لطيبن بين قومي=من قبل أجيه وبعد مأجيه نبراس
يممت يمه والمدايح تحومي=داخل سماء عرفه وذكره مع الناس
آقف وذكره لأطيب المدح يومي=منصى المديح معرب الجد والساس
ماهو مديح ينتهي في لزومي=قبلي جلى هم وطرد كم هوجاس
واليوم يابو جود ماطاب نومي=الي ثلاث أيام بس أضرس أضراس
ياكثر مايمم وأضيع يمومي=مع كل يم أقطع لي اخماس وأسداس
لضاق صدري مأوسعتني هدومي=وبعض المواقف محرجه وأنت حساس
واللي ماهو لاطحت عنده يقومي=العذر من وجه الخطا ماله أقياس
أبقى على همي قصي كتومي=أخير من شكوى المواجع والاوناس
تكفى يأبن سمره حفيد القرومي =شنوني بقلبي من الوقت يباس
وعليك شرهاتي تعلى الرجومي =وانا اعتبرك من اعرف الناس بالناس

******** type="text/**********">doPoem(0)***********الشاعر يوسف سالم شلاح المهيمزي

طـــال الـسـفــر والـقـلــب جــــض وتــألــم=وأخــذت مــن شـعــري ركـــوب الجـمـالـه
مـن شفـت حفـل الشـاعـر الـلـي تسـلـم=عـلــم الـرجــال أهـــل الـوغــى والشـكـالـه
بـشــت أبـــن سـمــره غـالـيـاً مـــا يـسـلـم=الا لــــرجــــل أبــــــــوه يــفـــخـــر بـــخـــالـــه
شـــــرواك يــــــا الــيــامــي ويــــــام تـــولـــم=لـلـظـيــف طــيـــب ولـلـشـكـايــل شــكــالــه
شــالــح عــطــاء بـشـتــه وقـــــام وتـكــلــم=نــيــابـــة عـــــــن مــنــهـــم وراه وقــبــالـــه
وشــالــح لــيــا مــنــه هــــرج مـــــا يـعــلــم=مــــن صـغـرتــه رابــــي بـعـلــم الـفـضـالـه
لـبـيـت يـابــو (الـجــود ) داعـيــك سـلــم=وأبشـرك مشلـحـك واصــل كمـالـه
الـسـيــف مــــن صــبـــره يــحـــن وتـثــلــم=والصـبـر ثــم الـصـبـر لـــو جـــار حـالــه
لـجـيـت ابـنـشـد مـــا مـضــى لـــي تـبـلــم=ولا خير في ماضي جهل ما مضى له
هـــذا الـجـهـل يـنـكــر ولــــو هــــو تـعـلــم=والا الــزمـــن يالله فـــــي حــســـن فــالـــه

******** type="text/**********">doPoem(0)***********

الشاعر حسن العامر ابها

الـمـواقـف تـرفــع ارجـــال وتـنــزل رجـــال=والــمـــدايـــح واجــــبــــه والــــكــــرام اهللها
والقصيـدالـلـي لـيـاحـان لــداعــي مــجــال=مــايــبــركــهــاعـــلـــى زورهـــاويـــتـــلـــهــــا
مــالــزوم انــــه يـفـعــل اوشــولـــه يــقـــال=لـلـضـعــيــفــه مــاتــجــمـــل ولــوجــمــلــهــا
ونــت ياهـاجـس قـصـيـدي تخيربـاالـجـزال=لــشــورادطـــوع هــجــســـك الـيـاهـيـجـلـهـا
لاتــعــوددون كــفــة صـعـيـبــات الـمــنــال=قفرتامـاهـي عـلـى كـيـف مـــن ياصـلـهـا
دونهايلمـع بريـق السـراب امـع السهـال=مــاتــهــيــابــاالامـــانـــي ولاتــــذعــــلــــهـــــا
غـيـرشـاعـرمـسـتـواهــاولاهــامــســتــحــال=وانت فـوق الهاجـس اللـي يـروض دلهـا
قاربك فكري ومرساك فـي شـاط الخيـال=خـذجـزايـلـهـاوعـنــك الـــهـــزايـــل خـــلـــهـــا
ليـن تاصـل مستواالمـدح بـكـرام السـبـال=مــاحــلاطـــرق الــجــزايـــل الـيـاجـاحـلــهــا
بسم شالح وارث الطيب من عم وخـوال=مـن منـاخ االعـزوه الـلـي يضـلـل ضلـهـا
ابـن سمـره راعـي الاولـه وااف الخصـال=لـــمـــدايــــح تــســتــويــلـــه وهــوقـــدلـــهـــا
عــاش راســا فـيـه واجــب ولـلابـه مـثـال=وقـفـتـه طـنـخـة مـزايــا الشـكـالـه كـلـهــاا
وقفـة الفـارس علـى مهـرتـه بــم القـتـال=عـاصـبــازاســه ونـــطــــح الـعـداضـارلــهــا
جعـل رساشاشـه المـدح ميجيـه الــزوال=كـــل كـلـمـه فـــي ردود الـثـنــا صـاحـلـهـا
يوم وصل المدح غايـة مصابيـح الليـال=شالـتـه بـشـت الشيـاخـه وقـــام وشـلـهـا
قـام طولـه وافــي الـبـاع ماطـافـه مـقـال=زرقــــة حــرابــا كــبــود الــرجـــال اتـعـلـهــا
الاجـابـه بشـتـه اتـنـوب عــن رد الـسـول=يـــــوم نـزلــهــا وشـوفـوالـعـيـون احـتـلـهــا
فـوق عـبـدالله عطفـهـا وسـاواهـا عــدال=وثـــق اعـــلا هـابـعــال الـمـتــون وفـلـهــا
قال تستاهل ومن طاب فهل الطيب نال=واجـبــه سـلــم القبـيـلـه وطـبــع اجبـيـلـهـا
ونــت كـامـل فـــي صـفـاتـك ولله الـكـمـال=واالشـكـالـه فـيــك مـــن دقــهــا الاجـلـهــا
موقفك شدانتباهـي وهمـت امـع الخيـال=هاذي انقض مـن رضاهـا وذيـك افتلهـا
طـبـع نفـسـي ماتقـبـل بـحـال وكــل حــال=مـاتـواطــن واصــمــع الـقـلــب مـاواطـلـهـا

******** type="text/**********">doPoem(0)***********

الشاعر سهل نافع المهيمزي

أبدى بكلاما ماهو ملفوف=ويأبن فالح فيه ميزتكم
يوم أبننا عننا موقوف=تبينتلي شهامتكم
شكرا لكم ياهل المعروف=ولاتنحصي جمالتكم
الطيب في ساسكم ماصوف=والفوز بالطيب عادتكم
يابن سمره فعلكم به نوف=متفوقين بشجاعتكم
فارسكم أبتع من المسيوف=ولاحدن يقرب لخطتكم
بالاوله فعلكم مشيوف=وكل أكثر الناس هابتكم
نقولها والصفوف أوقوف=نعم(ن)بكم وبجماعتكم
وهذا كلامي لكم مزفوف=والله يوفق سعادتكم
مع التحيه لكم بأولوف=من عندنا بخطنا جتكم

******** type="text/**********">doPoem(0)***********
ابو مرضي/ موسى بن حمود العطيفي العنزي

بيض الله وجه من غصب طيبه مطلعه=منشهر طيبه مع الربع والعالم جميع
شالح للمرجله مبتداه وملتقاه ومرجعه=ماقضا من العمر بالمرجله يشري ويبيع
شيخ عقب أشيوخ والطيب ورد مشرعه=أن نصيته ضايقا رحت في بالآ وسيع
جده اللي يسبع القوم مأحدن يسبعه=أبن سمره ينطح القوم ويفك المنيع
والسوالف واجده والذهب من مصنعه=ويشكي الحفيان شوك الهراسه والنقيع
والطريق السنع لو طال سق رجلك معه=وأعبد الله وأمتثله وخلك له مطيع
الله اللي كون الكون كله وأصنعه=وأرسل محمد نبيا ولعباده شفيع
وآخر الابيات صلوا على اللي نتبعه=عد من هو مر من بين بيته والبقيع

******** type="text/**********">doPoem(0)***********
الشاعر/ مسند خلف الرشيدي


	ملاحضه جميع القصايد منقوله كتبتها على نفس صيغة النشر الاول اي شاعر عنده ملاحضه على قصيدته يتصل بي او يراسلني

واليكم بعض الصور التي تدل على بعض مواقفه
المشرفه

http://www.gazialbrak.com/up/uploads...123392d58f.jpg
في هذه الصور يتابع مع المهندس مبارك الدويله برنامج حفل للقبيله

http://www.gazialbrak.com/up/uploads...e09a408dc1.jpg
هذه صوره له في احد محافل القبيله

http://www.gazialbrak.com/up/uploads...ccd29b29b4.jpg

هذه صوره له في احد محافل القبيله

http://www.gazialbrak.com/up/uploads...e0c320c200.jpg

وفي هذه الصوره يزور الشاعر المعروف سعدان عابس القعبوبي شفاه الله