رد على موضوع الراسي وايضاح للحقائق عن حفل سلامة الشمالي ونجاح الملتقى
بسم الله الرحمن الرحيم ايها الاخوه والاخوات اعضاء وزوار موقع الجميع انه في يوم الاربعاء ليلةالخميس الماضي 14/11/1432ه اقام الشاعر غازي البراك مأدبة عشاء بمناسبة نجاح حفل الملتقى وكذلك سلامة المقدم صالح عبيد البراك(الشمالي) في استراحة (ذكرى) بالذيبيه وحضره الكثير من الاعضاء وبالصدفه بنفس الوقت كنت اكلم الشمالي واطمئن عليه واخبرني ان (ابويوسف مسوي حفل بمناسبة نجاح حفل الملتقى وسلامة ابو خالد) وبعد الانتهاء من الحفل تفاجأت كما بالتاكيد تفاجأ الكثير من الاعضاء بان يقوم المراقب هاوي نجد والمراقب الراسي بتنزيل الصور بالموقع وتغيير الحقائق على انهم هم من اقاموا الحفل وقد اتصلت باكثر من عضو ممن حضروا الحفل للتأكد ... وبكل صراحه انا حبيت اوضح الحقيقه.. بهذه الابيات ::: يالي تقول انك مسوي عزيمه ..غاوي ومن يتبعك ضايع وغاوي ماتستفيد من الدروس القديمه..ولا نسيت ان الي مخاويك هاوي يجحد فعول اهل اليدين الكريمه..ويقول انا سويت كل الدعاوي والناس ماهي بالحقايق غشيمه..تعرف من الي ياصلون الحراوي تحطلك صوره وقدرن وقيمه ..وانته عن الثنتين سيلك نحاوي اليا امتلاء بطنك تذب الخريمه..واليا لفاك الضيف يلويك لاوي لاتحسبنك كاسب لك غنيمه..وانته على راسك تجيب البلاوي |
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
العا ا ا ا اقل صح السسانك ع الابيات ___بس ما اعتقد انا الراسي و هاوي نجد يسون كذا مستحيل هم رجال اكبا ا ار ومعروفين عندكم __لا لا مسسستحيل اصلن فشله يقول سويت والناس اتعرف انهم ماسو شئ يجوز انت فاهم غلط يا العاقل
|
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
والناس ماهي بالحقايق غشيمه..تعرف من الي ياصلون الحراوي
وتقبل مروري |
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
قال تعالى ( لاَ تَحْسَبَنَّ الَّذِينَ يَفْرَحُونَ بِمَا أَتَواْ وَّيُحِبُّونَ أَن يُحْمَدُواْ بِمَا لَمْ يَفْعَلُواْ فَلاَ تَحْسَبَنَّهُمْ بِمَفَازَةٍ مِّنَ الْعَذَابِ وَلَهُمْ عَذَابٌ أَلِيمٌ
ياويلكم....من..الله...ان....صح....الخبر.... |
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
صح السانك يالعاقل مبدع
هاوي نجد اذا مارد على القصيده معناته ان الخبر صحيح يالعاقل |
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
مايستفيد من الدروس القديمه..ولا نسى ان الي مخاويه هاوي هذا مربط الفرس وتقبل مروري
|
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
لأآعِـتقد أن هـاويْ نـجد او ـألـرآسـيُ يـفعـلون كذا .. لان هـذي افعـآلهم وعـأدتهم الـطيب والكـرم ..~
|
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
اشكر جميع الاخوان على الردود
وانااخاف الله وماحب اظلم احد واكبر دليل على صدقي انه لم يرد لا هاوي ولا الراسي |
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
ههههههههههههههه
اقول انت شاعر محترف |
رد: رد على موضوع الراسي وايضاح للحقائق عن حفل سلامة الشمالي ونجاح الملتقى
الله يسعد مساءك يالعاقل لا تكثر الهجوم على هاوي وخويه ترى ماهم ضارين لمثل هذه السوالف والمواقف ترى هاوي اعرفه زين بس قله يسلم عليك فلان وعلى طول ينفذ اللي تبيه اما الراسي شره عليه ما اعرفه زين بس الظاهر ان هاوي مسيطر على عقله وترى هاوي ان مسك سلطة ماهو سهل بس الله عارف له تحياتي فرح البراك |
| الساعة الآن 07:40 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir