لقاء الابداع الجريمي وبطاح بن وساح
لقاء الشعر والابداع والمعاني القويه في ليله من اروع الليالي وفي احد المحاورات الاسبوعيه بين الشاعر العملاق عتقاء الجريمي والشاعر العملاق بطاح بن وساح الجريمي السما غيم وبالغيم براق ورعود === وانت قسمك يابن وساح بالسوق عنبه قالو ان البيت ماقومه غير العمود === قلت لولا الطنب جاه العجاج وشقلبه بطاح بن وساح جعل عرفك يالجريمي بعدها مايعود = اطلب الله مثل قسمي ليارحت اطلبه الجبل من ماض الوقت تسكنه القرود = لين جاه الذيب ناصي وعلى مرتبه الجريمي لاتعاهدنا يارجال لاتخون العهود === وانت رجلن تدرس الدين في مسجد قبه اول الرجال دم ولحم واخره دود == كيف تنكب صاحبك قبل ياصل منكبه بطاح بن وساح الفتايل عندكم مالها غير الزنود = والزنود تمر بقعا وتنصى الدبدبه والجبل والذيب خلان ولاانته جحود = فيك طبع الحصني اللي يومي بذنبه الجريمي انت اظنك تدفن السم في وسط النفود == مثل حصنين لقا الذيب في وادي اتربه ياولد بطاح لاذاك حامد مع حمود === تضرب الرجال ولا الطريق اتجنبه بطاح بن وساح جيتك ابيض السوالف وجبت علوم سود = وانت وان درهمت جتك السيوف مذهبه ولودريت ان الجريمي يحب ابن سعود = كان ادسم لحيت ابن الجريمي وشنبه الجريمي بارك الله باخو مريم وحكام السعود== خلو الرجال يطلب واياخذ مطلبه يامكثرة السوالف مسحبة الجلود == = لو حسبنا شي ما اظن بطاح احسبه بطاح بن وساح وبارك الله بابويوسف جمعكم بالوجود = والجريمي وان مزحنا معه مانغضبه الحقايق ياعميلي تجي فيها الشهود = وراع النوماس لازم يبين مكسبه |
رد: لقاء الابداع الجريمي وبطاح بن وساح
بيض الله وجهك ياذيبان على التنسيق وطاروق رائع وانا كلمت ابو مشعل الشاعر عتقا الجريمي ومدحلي الطاروق ومدح اسلوب بطاح وهذي لازم نقولها لانها حق علي اقولها ويوم شفت الطاروق بكل صراحه طاروق مميز ورائع وفيه تفاهم بين الشاعرين وفيه بيوت رنانه والطاروق رائع بكل المقاييس وبيض الله وجيهكم على هالابداع اللي نتمنى يستمر دائما للمعلوميه هاك الليله زعل علينا ابومشعل وقال انتم ماعندكم لعب ههههههه لكن هالليله عزالله انه اشفى غليله بطاروق مميز |
رد: لقاء الابداع الجريمي وبطاح بن وساح
ووجهك يالفارس والساعه المباركه رغم اني عتبان على عدم تواجدك بااسم الفارس
لكن اسمك الثاني يكفي ههههه لونك الليله منت موجود بطاروق الجريمي وبطاح لابالاسم الاول والا الثاني ولاالعاشر ههههههه |
رد: لقاء الابداع الجريمي وبطاح بن وساح
بيض الله وجهك ياذيبان على التنسيق الرائع لكن ياليت تعدل الشطر الاول من بيتي الاخير بارك الله بابويوسف جمعكم بالوجود
ماهو جمعنا والخطا مني وانا اعترف اثناء الكتابه مانتبهت للكلمه |
رد: لقاء الابداع الجريمي وبطاح بن وساح
بيض الله وجيهكم
وصح لسسسسان الشااعرين ابدااع الله يسعدكم مشكوررر ياذيب الفيااافي |
رد: لقاء الابداع الجريمي وبطاح بن وساح
بيض الله وجيهكم على هالطاروق
ولاهو غريب الابداع على شعااار بحجم الجريمي وابن وساح |
رد: لقاء الابداع الجريمي وبطاح بن وساح
بيض الله وجيهكم وصح لسسسسان الشااعرين ابدااع الله يسعدكم مشكوررر ياذيب الفيااافي |
رد: لقاء الابداع الجريمي وبطاح بن وساح
بيض الله وجهك يذيب ومشكور طال عمرك
واشكر الجميع واشكر اخوي بطاح |
رد: لقاء الابداع الجريمي وبطاح بن وساح
اقتباس:
المشاركة الأصلية كتبت بواسطة الجريمي http://www.gazialbrak.com/vb/gk/buttons/viewpost.gif بيض الله وجهك يذيب ومشكور طال عمرك واشكر الجميع واشكر اخوي بطاح الشكر لله ثم لاصحاب الموقع اللي جمعونا معك ياللحيه الغانمه |
رد: لقاء الابداع الجريمي وبطاح بن وساح
بطـأأأأأأأأأح .... يعنني شاعر وبيك ترد علي ....
نقول السلام يمر مني عليكم ...... ي بطاح عطني من علومك قطايف ميرن المصيبه شفتك اليوم ملاكم ......عسا الله يستر منك ماني بخايف تراي ي بطااااح مبتدي ... ولعلك ترد علي |
| الساعة الآن 02:29 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir