صفقوا ياهل المغاتير للمتفوقات=وضح ابن ماطر مايوجد كماه الا القليل
من بنات ابعيره ابكارهن والأمهات= مستحيل انه يطش الرديه مستحيل
أهزعهن عرقوبها والمشارب ضافيات= والسنام معود(ن) خلف والغارب طويل
ماعليهن وسم ماهوب وسم العياضات= قيمت الوحده عماره مايملكها البخيل
مير أبو سطام يسلم زبون الكايدات= الوفي وأبن الوفي والأصيل ابن الأصيل
من رجالاً طيبهم بالسنين الماضيات= عبس ماضين الفعايل وهذا اكبر دليل
فعلهم كلاُ شهد له بدون مجاملات= يوم دور السيف الاملح ودور أم الفتيل
وضح ابو سطام باربع جوائز فايزات= فايزه باربع جوئز عليها الله وكيل
والسنه هذي يبي يطلعن الأولات= شجعوهن وطلبوا واحد (ن) ماهو بخيل
قالها شاعر مطيري من أهل المعجزات= مايحسب حساب للحمل لو أنه ثقيل