البس جميل المعاني واخلع البالي
البس جميل المعاني واخلع البالي /
____________________ عباس طريم / اريزونا __ البس جميل المعاني واخلع البالي وارحل الى ديرة واسعى بمناكبها لا تسكن الذل لا خير - ن بالذلالي واسعى عسى الله بالعزه يبدلها واترك هوى الروح ,كول الله كاتب لي ولابد لي ان اشوف , الربي كاتبها لا ترخص الروح ان كنت الفتى الغالي واترك ديار .ن. اذا كثرة عكاربها لا تندب الحظ دوما فوك الطلالي وارحل ,ودع غيرك الدنياه يندبها كن كالاصيل اليصارع كل الهوالي في كل مرة يخيب .. وتالي يغلبها الهم في الروح ما منه حد .ن. خالي لا تترك الروح تشكي همها الربها لها مواعيد تدبر .. ثم اقبالي [ الدنية مثل الطفل فينا نلاعبها] ترفع جليل القدر واتحط من الوالي واتحارب الحر واتكثر نوايبها القافلة اتسير لا تمشي بها التالي ون كنت عزمت ,لابد ان تواكبها لا خير بالكال ذا عمي وذا خالي النفس بالنفس تتحكك مطالبها الحر من كال بالعلياء منزالي دنيا ومن حكنا نختار جانبها تنكلب بالحال من حال .ن. الى حالي دنيا توريك ياصاحب عجايبها ترفع اللي اتريد اعلى من الجبالي واتعود ياصاحبي وتغدر بصاحبها مايفخر المرء الا ابزين الفعالي اللي الذكر دوم مثل الظل يصاحبها النفس تشتد اكثر عند الهوالي واتزيد الرجال عزما من تجاربها يبقى الفتى دوم ما بين الربع عالي واهل الحسد دوم شاغلها وتاعبها ما دامه ايفوت للعلياء ميبالي ويلاوي باذراعه اليمنى مصاعبها ارحل الى العز والامجاد طوالي الدنية تشتاك للحر الينازلها انظر الى الدر كيف اصبح لنا غالي لنه بالبحور والمبخوت يوصلها العز مطلوب فوك اعناك الرجالي وارجال الكرام تتعنه المطالبها ما يحصل العز او تتحكك امالي حتى اذا الكوم ساعه الحظ حالفها والناس الجواد كالوها بالمثالي الفارس الزين من يسلك معابرها ويظل عزيز . ن .وثوبه امن الدنس خالي ويماشي الحر واليكفيه من شرها + مع خالص تحياتي للشاعر الكبير الاستاذ غازي البراك الذي يشرفنا ان نشارك بمنتداه الجميل عباس طريم |
رد: البس جميل المعاني واخلع البالي
متعك الله بالصحة والعافية
وصح لسانك عباس : لا تترك الروح تشكي همها الربها -- بلهجتنا -- لا تقوم تولول يالارفل:) |
| الساعة الآن 10:10 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir