حياك وقلط وسط ديوان مفتوح=ديوان عامر بالرجاجيل الاكرام
عطني علومك كلها وابعد الشوح=خلك مثل حر (ن) بعال السماء حام
الحر لامنه جزع فارق اللوح= شطر(ن) حفظته لشاعر(ن) من بني يام
لاتصير غافل بالمحابيل مطروح= خلك بعيد اهداف فارس ومقدام
(تقول مايحتاج تعقيد وشروح= معاد باقي غير توقيع الاقلام )
شد انتباهي بيت معناه بوضوح = فهمة مضمونه وانا عجل بشمام
السر خله لايج السر مفضوح= يموت خله ماحد(ن) عنه علام
ترى السهر والهم والحزن والنوح= ابناء جسد واحد قرابات واعمام
لاصادفك غالي وافي ومملوح=اخلص منه قدام تشمير الاكمام
لاتجله من شان غايه ومصلوح= يمكن يفوت وتعترض دونه اخصام
هذي حياة الحب ضحكات ومزوح= لين يتمكن ينتشر وسط الاجسام