مساجله شعريه
 

السلام عليكم ورحمة الله وبركاته ..

اسعد الله أوقاتكم بكل خير وسعادة ..

يسعدني ويشرفني ان اضع بين ايديكم محاورة بين الأخ / سعد بطيان العازمي .. وأخوكم / متعب عبدالله الشعباني


بدأ الاخ / سعد بطيان العازمي بهذه القصيدة ..
الرائعه والأكثر من رائعه فهذا ليس بغريب عليه ..



وشفيك يامتعب تجر المواويل = ياشوق عذرن ماتدانى الشريده
قبلك انا بالحب شفت البهاذيل = من حب ريمن في هواها عنيده
ماني مزيّنها بكثر الطهابيل = لك موقفن بالطيب كلّن يشيده
اقسم بربّن داحرن ابره الفيل = واللي خلق خلقه ويرزق عبيده
ان تاخذه مادار دور المقابيل = مدام دمّي جارين في وريده
تامر وانالك ريف مثل المخاييل = هذا كلامن جد ماهومكيده
شرواك نازن له ونوفي المكاييل = وناقف مواقف بالوفا له سديده
نسعى على عرف الرجال المشاكيل = اللي لهم بالطيب وقفه رشيده
انااشهد انك من رجالن حلاحيل = والله ماتوفيك حقّك قصيده
يامتعب امثالك يقدم لها الهيل = والحيل بصحونن كبارن ركيده
والعود الازرق قبل مد الفناجيل = نقدمه لمثالكم يالوليده
وصلاة ربي عد وبل المخاييل = على نبين قادنا للعقيده




صح الله لسانك يالاخ / سعد بطيان العازمي ..
وهذا ردي المتواضع على هذه القيصدة .. إليكم الرد اتمنى أن ينال اعجابكم ..
يامرحبا ترحيبة البدو بالسيل = براع المعاني والبيوت الفريدة
من قلب مايرضى ولا ينقص الكيل = وافي بلين الوقت وإلا شديدة
بالشاعر اللي كل شعره تهاويل = مطـوعّ القـيفـان فـي ما يـريـدة
إليا تغنى جاب حلو التماثيـل = قصـايدة للـنـاس دايـم مـفيــدة
شاعر كفو مايلتفت للمحاصيل = حر(ن) قطامي يعجبك في هديدة
من روس قوم يحتمون المداهيل = نيـرانـهم دايـم سنــاهـا وقـيــدة
لا تلوم متعب يوم جر المواويل = أخَير من شوف القلوب البليدة
والله مافكر بكـثـر الغـرابـيـل = ولا اتشفـق للحـياة الســعيدة
انا هواوي والهواوي مع الليل = ياخذ ويعطي باللحون الجديدة
وأغيّر التفكير وأحط واشيل = وآخذ مع التفكير لحظه زهيدة
ياكثر ما اسامر معا نجمة سهيل = لونـها بـعـض المـواجـع تـزيـده
والله على شوفة سعد بالمقابيل = راع الخصال النادرة والمجيدة
كم واحد(ن) ودة معه بالتعاليل = لنه كفـو والـكـفو كـلـن يـردة
وصلاة ربي عد ما تصهل الخيل = على النبي راع الخصال الحميدة

رد: مساجله شعريه
 

صح لسااااانك اخوي متعب وصح لساااااان شاعرنا المبدع سعد بطيان

وافين ولافيكم حيله

تحياتي لكم وتقبلوا مرورررررري

رد: مساجله شعريه
 

صح السانك ولاهنت شاعرنا القدير
تقبل مرور وتحيات اخوك

رد: مساجله شعريه
 

صح لسااااانك اخوي متعب وصح لساااااان شاعرنا المبدع سعد بطيان

وافين ولافيكم حيله

تحياتي لكم وتقبلوا مرورررررري

رد: مساجله شعريه
 

رد: مساجله شعريه
 

اقتباس:
المشاركة الأصلية كتبت بواسطة ماجد بن عضيب http://www.gazialbrak.com/vb/gk/buttons/viewpost.gif
صح لسااااانك اخوي متعب وصح لساااااان شاعرنا المبدع سعد بطيان

وافين ولافيكم حيله

تحياتي لكم وتقبلوا مرورررررري




صح بدنك اخوي ماجد ولاهنت يالغالي ع المرور العطر
والله يعطيك العافيه

رد: مساجله شعريه
 

رد: مساجله شعريه
 

اقتباس:
المشاركة الأصلية كتبت بواسطة سعد البطيان العازمي http://www.gazialbrak.com/vb/gk/buttons/viewpost.gif
صح السانك ولاهنت شاعرنا القدير
تقبل مرور وتحيات اخوك



صح بدنك اخوي سعد وصح لسانك ولاهنت على الأبداع
تحياتي لك ولمرووورك

رد: مساجله شعريه
 

اقتباس:
المشاركة الأصلية كتبت بواسطة محمد مـرزوق http://www.gazialbrak.com/vb/gk/buttons/viewpost.gif
صح لسااااانك اخوي متعب وصح لساااااان شاعرنا المبدع سعد بطيان

وافين ولافيكم حيله

تحياتي لكم وتقبلوا مرورررررري




هلا وغلا اختي مروقتها وصح بدنك ولاهنتي على المرور العطر

رد: مساجله شعريه