موقع الشاعرغازي البراك موقع الجميع

موقع الشاعرغازي البراك موقع الجميع (http://www.gazialbrak.com/vb/index.php)
-   ساحة الشعر والادب (كتابه)(صوت)(شيلات) (http://www.gazialbrak.com/vb/forumdisplay.php?f=22)
-   -   الصمت خير وخل صدرك شمالي (http://www.gazialbrak.com/vb/showthread.php?t=22771)

عبيد دعيع القلادي 04-21-2017 03:42 PM

الصمت خير وخل صدرك شمالي
 

ابأ انصحك واسمع ولو مأنت مكلوف
لا تقول يا رجال مالك ومالي

هذي نصيحة حق ..والعفو معروف
يزيد قدرك في صدور الرجالي

القول بداية فعل وأفعالنا الخوف
وشعره مابين الفعل والأنفعالي

الكلمه اليا جات من صدر ملقوف
الصّمت خير وخل صدرك شمالي

زلة السانً بالخطاء خلها طوف
لا تابع الزلات يابن الحلالي

أرقاء عن الطفسه على راس هفهوف
عليك ومثلك يشرهون الرجالي

لا تصير بالمجلس خفيفً ومشغوف
ولايصير صوتك فوق الأصوات عالي

الصّمت بعض أحيان مايعتبر خوف
لا صار بعض الهرج ماله مجالي

اركد ياحتى يركد الرمي وتشوف
ويبين لك بين الخطاء والعدالي

ان كان زلة رجل و الرجل معروف
ثلاث طوفها لكريم اسبالي

والرابعه حط النقط فوق ألأ حروف
معاد فيها لتغاضي مجالي

وكانه ظعيف وهرجته هرجة ضعوف
سفيه خله فالمجالس يلالي

لا صار ما لي عندهم حق مخطوف
يلقى سفيه يسد حلقه بدالي

حكيم القوافي

أبوحنان الشمري 06-01-2017 03:17 AM

رد: الصمت خير وخل صدرك شمالي
 
"إن من الشعر لحكمة"
صح لسااااااااانك حتى ترضى


الساعة الآن 08:48 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi