موقع الشاعرغازي البراك موقع الجميع

موقع الشاعرغازي البراك موقع الجميع (http://www.gazialbrak.com/vb/index.php)
-   القصايد المنقوله (http://www.gazialbrak.com/vb/forumdisplay.php?f=109)
-   -   تحذير لدعاة التظاهر و الشغب ضد النظام (http://www.gazialbrak.com/vb/showthread.php?t=17538)

ابوعبيد 04-26-2012 10:59 PM

تحذير لدعاة التظاهر و الشغب ضد النظام
 
تحذير لدعاة التظاهر و الشغب ضد النظام

قصيدة وصلتني من أخ عزيز وحبيت انقلها والحقيقه تستحق النقل لماتضمنه
من موضوعها وماتحمله من جواهر شعريه



تحذير للي ما فهم تركيبة الشعب الخطير = تحذير لدعاة التظاهر و الشغب ضد النظام
اللي يحسبون الحكم فالمملكه شي يسير = هم يحسبونه بالوعود و بالشعار و بالكلام
ما جيت ادافع عن حكومتنا و لكني نذير = للجاهلين اللي هقوا في حكمنا برد و سلام
يا جاهلين ان غربت ثم اشرق اليوم الكبير = ثم اختلط مع عجها دخانها و حل الظلام
يوم على اللي ما معه محزم عبوس قمطرير = البرق يبرق فالسما و يجاوبه برق الحسام
احد هدر و احد رغا واحد تغشاه الهدير = يبكي على السدره بعد ما فارقه حلو المنام
حنا خلقنا الله بدو و الباديه سيف شطير = ما همنا ان عودت مية سنه حرب و حطام
نرجع على البيت الشعر و الخيل و الجمع الغفير = من عقب ما كنا شتات فالحضاره و انقسام
كل يجي في ديرته و الدار ما فيهاخشير = و ان ولعت بين العرب لا هو حلال و لا حرام
المملكه ماهي مصر ما عندناساحة صفير = صوت البلابل نجهله.. فالذاكره نوح الحمام
اجدودنا ذاقوا لاجل توحيدنا المر المرير = اسقو الوطن من دمهم لين ارتوى ثم استقام
والله ما تذهب سدا ارواحهم مهما يصير = اما كذا و الا فلا تصفي لمفرخة النعام
المشكله طلابةالثوره ملابسهم حرير = لو لا نظام المملكه و الا غدوا صيد و طعام
يوم كبروا تحت النظام احلامهم كبرت كثير = مثل الدجاج اللي حلم انه كفخ فوق الغمام
ما جيت ادافع عن ملك و الا سمو و الا وزير = و لا نيب راضي عن فساد اهل المناصب والمقام
تحذير للي ما فهم تركيبة الشعب الخطير = إن ثورت فالمملكه .. قولوا على الدنيا السلام
******** type="text/**********">doPoem(0)***********

الشاعر / ضرمان بن سعد ابو اثنين السبيعي

Bader 3yad 04-26-2012 11:40 PM

رد: تحذير لدعاة التظاهر و الشغب ضد النظام
 
صح لسانه وبيض الله وجهك يابو عبيد ..

بصراحه قمه الجمال ..

حنا خلقنا بدو والباديه سيف شطير .. الله الله .

وتقبل اجمل تحيه


الساعة الآن 02:36 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi