من هجوسن حضرن بعد العصير=لـو حسبناهـن يجـن فـوق عشـره
قلت وش ذا العلم قالن خير خيـر=أنــت طالبـنـا بـوقـت المعـسـره
والتفـت وشفتلـي شيـخـن كبـيـر=لابـسـن كـابـن وملـفـوف شـعـره
قلتله ويش أنت قـال أنـا المديـر=جـيـت أنـفــذ ماتـبـيـه وتـامــره
هـات ماعنـدك ونـاخـذه ونطـيـر=نوصلـه غـازي قبـل لفـت نظـره
قلت هذا خط ابـه مضمـون غيـر=داخـلـه لـؤلـؤ ومــاس وجـوهـره
سلمـنـه لـلأمـيـر ابـــن الأمـيــر=شاعـرن بالشعـر ماغـاض بحـره
راعـي الحكمـه بمعرفـتـه خبـيـر=عن رجال العـرف مـادار ظهـره
فيه حكمات الفـرزدق مـع جريـر=مايـلـوذ الـقـاف بالفـكـر جـبــره
وزبـدة المعنـى برايـك نستشـيـر=منهـو اللـي طـب سوقـن وعمـره
ومنهو اللي دايمـن شوفـه قصيـر=لادخـلـه ســـوق عـامــر دمـــره
ومنهو اللي بالقشر نـاش المثيـر=لـيـن ثــار اللـغـم فـيـه وفـجــره
ومنهو اللي يرفع السيف الشطير=كلـمـتـن بـالـحـق لازم يـظـهــره
ومنهـو اللـي لاهـجـوم ولامنـيـر=جاهـلـن مــن دق سلـفـه دحــدره
يابو يوسف حدني حامي الهجيـر=والوطـا يوحـش ليـا شـح مـطـره
من غلاك أبديـت ماكـن الضميـر=غصنـا واحــد وتجمعـنـا شـجـره
والصـلاة خـتـام للهادي البشـيـر=عــد ماصـلـى المصـلـي وذكــره

من هجوسن حضرن بعد الاخير=قالن ان الدرب واضح وعبره
وانتخيت وجبت من بحرًغزير=يصتفق موجه على صم احجره
ولتفت وشفت شيً يستدير=وسط شاشه مبهمه ومحضره
جابها الشايب وسلمها الخفير=سلمه غازي بمضمون خبره
يوم جانا العلم من شاعرقدير=لوعذرني ماقبلت المعذره
جاب خمس اوضاع فيهن يستشير=خوذ ماعندي بشعري ونشره
المعاني ساقها سلك الحرير=في علوم صدق ماهي مصخره
راعي النخوه ولوانه فقير=له مواقيفن تبين ونشكره
وذاك راع الحقد والحاسد حقير=دايمً شوفه على قد انظره
وذاك راع الشر والحض الشرير=لو يصد المشكله جت بنحره
وذاك راع الحق للسنه نصير=الله انه يابو تركي ينصره
وذاك مايعرف ورود ولاصدير=من سواليف الضعيف الثرثره
شايف نفسه وهو شوفه قصير=يحسب انه كاسب له مفخره
يابو تركي لو بها دمَ يحير=مالقيت الصقر جنب الحمره
انت شاعرنا وانا توي صغير=لك بيوتً راقيه ومسطره
كنت اتابع لك عبر موج الاثير=قبل لاتطلع شواعير انتره
قبل لاياتي وراء سترن ستير=ويكتب اشعاره بيوت مكسره

قصيده قليل من نوعها وشاعر معروف بقوالبيوت
الجزله والمعنى الطيب ويستاهل الاحترام والتقدير

شكرا جزيلا