ابكي وحطيت البكى سهمة لى =هافت غصون القلب واصفت ركاياه
ابكي خفا واضحك بيان مع اللي = القلب ما يدرون عن غاية اقصاه
قالو لي العذال ما اخبلك ياللـي =تبكي ولد ناس تفارقت ويـاه
قلت آه ما انسى اللي حديثه يسلي = والله ما انسى اللي تواجهت وياه
اللي ليا منـه نوى ذبحت لـي = ارخى المليثم لين تبدى شفاياه
يضحك بحجرالعين كله رضى لي = من خوفته يدري حد من دناياه
والمجمعة وسدير من دون خلي =والعارض المنقاد واطول هجراه
خلي ورا العارض وأنا فرع سلي = يابعد ديرانه وياقرب طرياه
مزين حديثه فوق فرشاً وزلي =لا واحسايف يوم ما ابطيت وياه
خذيت من ريقه شروب المولي =شروب اهل هجن قربهم مطواه

المشاركة الأصلية كتبت بواسطة بدرالبدر (المشاركة 32862) رائعه جدا يابو صالح والبيت هذا سمعته اكثر من مره واحسبه بيت واحد فقط المجمعه وسدير من دون خلي = والعارض المنقاد وطول هجراه لكن بيض الله وجهك على كتابة القصيده كامله وان شاء الله تسيل المجمعه ولك عندي مندي باحد الشعبان مع شباب الموقع تحيتييييييييييييييييييييي

المشاركة الأصلية كتبت بواسطة ابوصالح (المشاركة 33083) هلا وغلا فيك يابدر البدر هلا في بدر المنتدى بحق وحقيقه بعد ابويوسف عسى الله يطول في عمره ويخليله اعياله :) ولايهون الجميع مدام الموضوع فيه مندي في احد الشعبان تراني جايك بس ابيه فيه شعيب النخيل يامال السيل عسى الله يغنيك ويبارك فيك اثاريك نفس سوالفي يابدر البدر :) ادور سوالف الطباخ بالشعبان ههههه يابد البدر يعلم الله ان لاهل المجمعه مكانه عظيمه في قلبي من الطيب اللي شفته منهم اثناء الغزو العراقي لدولة الكويت لا اعتقد ان هناك كلمات او تعابير تفي عن مايجول في قلبي اتجاههم ولكن اقول لهم الله يجزيهم الخير الله يجزيهم الخير الله يجزيهم الخير

المشاركة الأصلية كتبت بواسطة ابو يزيد (المشاركة 33146) ياول ياعصر مضى لو يعيدي الله يهديك ابو صالح والله انك رجعتني 44 سنه ورى وهو عام 1388 ه تذكرت ايام المليثم وسوالف القمرا قدام البيت مع ناس يابو صالح راحو ونارحت الحضر وشغل ولاعمال ومانسيت ذكراهم هههههههههههههههه

المشاركة الأصلية كتبت بواسطة بدرالبدر (المشاركة 33085) انت تستاهل واهل المجمعه جزاهم الله خير وابشر بالخير بس انت تعال تحيتيييييييييييييييييييييي