مرحبا ترحيب شاعر كلمته مسموعه= والرجال أهل العقول الكلمه أتقيمها
مرحبا ترحيبةٍ مثنيه ومربوعه= واجب أنا في قدوم أضيوفنا أنقدمها
في حضور اللي لهم سمعة شرف مذيوعه= سمعة ٍ تبني بيوت العز ماتهدمها
في لقاهم مفردات الشعر جت لي طوعه= وانظم أبيات الشعر ولساني يترجمها
في محل اللي نجيه وروسنا مرفوعه= والنشاما في محله دائم ايليمها
وارث ٍ طيب الرجال اللي لهم موسوعه= محكمه بفعالهم تاريخهم محكمها
من يذم محمد ابن عبيد جته اللوعه= ظالم ٍ نفسه ومن كلمة نعم محرمها
الردي عنه المراجل مثل حبة كوعه= تنحره كل الرجال ولأقضى لازمها
كل مايسمع جرس بيته تصيبه روعه= قبل بابه ينفتح وعذاره امولمها
وأنت يابن عبيد فيك المرجله مزروعه= قسمة ٍ من ربك الخلاق لك قاسمها
من يعذرب فيك يامحمد قصير ٍ بوعه= وأنت رجال ٍ تلم الناس وتكرمها
ولا نقول أن الرجل هذا فريد ٍ نوعه= يوجد أمثاله مع العربان مانضلمها
لكن انه من صغر سنه وهذي اطبوعه= المراجل كلها من صغره املازمها
ماسك له سيرتن مبطي وهي متبوعه= من جدود ٍ راحله جعل الولي يرحمها
ياعساها سيرتن تتبع ماهي مقطوعه= مستلمها من عبيد ولابنه أيسلمها
كل طيب له شهاده تأتي من أربوعه= والمدايح بالردي ماتنفع مرهمها
الرجل هذا شهدله غيرنا مجموعه= أن هذا مجمع الأرقام ومحطمها
ابتدآ معنى القصيده ونتهى موضوعه= مبتديها بالكلام الجزل ومختمها

الطيب وهبه من الله والله الهادي= واهل المواجيب ماتخلف عوايدها
ياهاجس الشعر خل الشعر ينقادي= اطلق قياد القريحة لاتقيدها
اتعب على تنومس وترك العادي= خل الهزيله تولي لاتصيدها
خابرك لاقلت تكفى تبهج فوادي= لو المسافه طويله ماتباعدها
انظم بيوت الشعر في قرم الأولادي= اللي يمنينه على الطوله معودها
محمد عبيد نجمٍ بالسماء بادي= شيخٍ فعوله ماتحصى لونعددها
من طيب ساسه توث طيب الاجدادي= المرجله من صغر سنه تسيدها
ماينثني لو حداه من الزمن حادي= هومات راسه على العليا مسندها
فيه الكرم نو وسمٍ سيل الوادي= يزها بيوت الكرامه من يشدها
يشهد له اللي ماهو لطيب جحادي= ويذمه اللي علومه ماتفقدها
مالوم ناس تشيد وباسمك تنادي= ألها الفخر يوم تكتب لك قصايدها
محمد عبيد نجمٍ بالسماء بادي= افعول الاجداد بفعوله يجددها

يامرحبا بأسم محــَن السكاكين=من دم حيل(ن) ذبحت لجل ضيفه
محمد بن عبيد واف الموازين=شيخٍ علومه بالمراجل منيفه
البيض عقبهن سميه وهالحين=محمدبن عبيد يبقى الخليفه
بالطيب وفعول الكرم ذكره يبين=يمناه دايم بالمراجل ذريفه
أهلا هلا باللي على الدار لافين=حي الرسايل والبيوت النظيفه
ابيوت شاعر فاهم(ن)بالقوانين=صيده جزيل(ن) مايصيد الضعيفه
يمدح بها ربع(ن) على المدح ضارين=بني رشيد مطوعين العسيفه