قـال منهو بـه هواجيسٍ تسوقه = سوق هجنن مع صحاصيح السهالي
سـاقهن قرمن يبي ترجيع نـوقه = با غين ترجيعت الوضح الغـوالي
صبحوهن قـوم مع مطلع شروقه ويوم جا ه العلم خاطر في الحوقه = ولحـقهم قـدام ليزول الظـلالي
وثـارت الهيجا وهو قلت اوفوقه = رميته عن روسهم في راس جـالي
وصار ضرب الملح من تحته وفوقه = احرقـوه اومخزن الطلقات خـالي
ونحرف ولكبد بـالهم امحـروقه = عـارفن ترجيعهن صعب المنـالي
صرت انـا مثله على زاهي ادقوقه = بـالوجن ثنتين وثـالث هـلالي
عين حـرن يـاطلع هدو اسبوقه = طقته بالـزور للخـرب المـوالي
وخـدها مزنن تكاشفبه ابـروقه = والمعنق مـثل عنق ام الغـزالي
ولحيـا والزين من شـافه يشوقه = كود دفشن عن ادروب الحب سالي
ومن عذلني ليت ماجاني يـذوقه = من هواهن وعسى يصلا ه صـالي
حبهن جرحن محـد خيـط افتوقه = حب عليا قد طوى زيد الهلالي
وقـيس ليلى حبها نشف اعروقه = عايشن روح وجسم والعقل خالي
والوضيحي حجته زادت ابعوقه = قـا لـه بـيتن ايقال اول وتالي
وغيرهم تحت الوطا والبعض فوقه = قد جرا لهل الهوا شـين جرالي
كيف ابـنـسا من محبتها صدوقه = وكل طارش جاه تنشد عن حوالي
ودام مـاباقن فـلا والله نبوقه = بـوقت الغا لين ما تطري ابالي