موقع الشاعرغازي البراك موقع الجميع - قصيدتين للشاعر نواف العازمي رحمه الله

- القصايد المنقوله (http://www.gazialbrak.com/vb/forumdisplay.php?f=109)

- - قصيدتين للشاعر نواف العازمي رحمه الله (http://www.gazialbrak.com/vb/showthread.php?t=7902)

قصيدتين للشاعر نواف العازمي رحمه الله

لا واهنيك باالغلا وانـت ضـدي وشلون لونك بصفي على طـول

ماهو بودي يـوم امـر امتعـدي والله من اللي بيني وبينك يحـول

اخاف من نظرة اعيونـن تلـدي ومطالعات احويل بعيونه الحـول

بيني وبين اسرار حبـي تحـدي الين صار الطبع والطبع ميـزول

محدن درى عني ولاباح سـدي وواواصل الغارات واصول واجول

واطوي مسافة خايعن مجرهـدي واقضي اشغالي وانا معك مشغول

ولانظر لمن جاب الكلام ويـودي لاجبتلك سيره ولاارسلت مرسول

ان مر زولك دايم اغضي واصدي وانا بقلبـي ياحبيبـي يهـازول

يابو جديلن فـوق متنـه يكـدي جميل من كل النواحي ومجمـول

عذبتني والحـال صـار متـردي تراك عن ماصار باالحال مسؤول

جحدت حبك لين بيحـت سـدي واليوم ابشرح ماحصلي وابقـول

صبرت يالبين العن جـد جـدي لقيت بعض الصبر ماهوب معقول

ونصرت قدك باالغلا وانت قـدي لو قالو العـذال اباقـول يحـول

والله مدري مـن عليـه اببـدي ماله وجود ولغز ماهوب محلـول

جيتـه وبلغتـه بـكـل الحقـايـق وقلت الله الله فيك مغـرم ومفتـون

ولازلـت احاولبـك بكـل الطرايـق وانا حذر مـاودي النـاس يـدرون

وعندي على حبي جميـع الوثايـق اطلب وانا جاهز وحاظـر وممنـون

اضحك وانا فينـي تشـب الحرايـق زودن على مابي من الهود واطعون

من عذرك اللي صار ماهوب لايـق ابغاك عون وصرت باالعكس فرعون

الحقت جـرح العـام الاول لحايـق بحرج اضروف الوقت عني تصدون

جيت ابتسم واضحك ورحت امتضايق والله ماحسبها تجـي منـك هلـون

وان سهـل الله ياحمـام الحـدايـق اباتقضـى منـك وابليـس ملعـون