موقع الشاعرغازي البراك موقع الجميع - محاورة غازي البراك عبدالرحمن خضير الرويضي

غـازي البـراك
شرهتك يابو متعب فوق هام السحاب
لكـن النـاس ماشيتـن بقانونـهـا
انت لو كان تدري بالخطـا وصـواب
كـان ماجيـت سايقهـا بطبلونـهـا
عبدالرحمن خضير
شرهتي مالقت يالربع منكـم جـواب
ميـر هـذي سواليـف تقولونـهـا
اعرف الصح واحذر كـل حيـه وداب
وهرجت الناس عارف ويش مضمونها
غـازي البـراك
ابو نشمي توسط لك عزيـز الجنـاب
وانت تعرف صديقك ماوقـف دونهـا
انت عجزان تدفع يوم جاك الحسـاب
كان عجزان عنـدي وتركـو شونهـا
عبدالرحمن خضير
الشبابي يصفق مع فريـق الشبـاب
مثل مـن حـط جمرتهـا بغليونهـا
من تبين بثوب وثوب عكس الثيـاب
يوهم النـاس صاحيهـا ومجنونهـا

غـازي البـراك

كيف تترك قراح الماء وتبغا السـراب
طيـع شـوري وشـره لاتمرونـهـا

شايب (ن) تو مافكر بكاس الشـراب
يطرد البنـت يبغـا يمسـك قرونهـا

عبدالرحمن خضير

نعلن الحـرب ولا تعلـن الانسحـاب
لاتعـدا علـى الـدولـه وقانونـهـا

عيش دنياك حـر ومرجعـك لتـراب
وصلح النيـه الـي مختلـف لونهـا