قلبي اللي مامسكه بالجاش حدب اضلوعي=احرق اعصابي على جمـرة سمـار الحـره
ليه قلت حيلتي بين العـرب واسنوعـي= ماخبر وديتني صوب السنـع لـو مـره
ارحم اللي حبل وصله من سنه مقطوعي= ما لقا ذكر الذهوب ولا لقا لـه جـره
مايسدك فيه ميسام الضمـاء والجوعـي= ضره الوقت المقفي قبل تسعـى بضـره

ابك طعني لاتوطـي راسـك المرفوعـي= الزمان الشين كلـن يشتكـي مـن شـره
خاسر المشروع يحسد رابح المشروعـي= ونت ميس والخسـاره كبـر راس الـذره
عبس ربعي وانت اعدك من خيار الربوعي= خلك اعصامـي بوجـه ايامـك المفتـره
الدهـر قطـع عقايـل والحيـا متبوعـي=من ماجازف في حياتـه مايجيـب الـدره

ابك انا اشكي من غلا سيد المها المربوعي= ماشكيت الضيم من حلو الزمان ومـره
لاتضربني فجوج اديار عبس اقطوعـي=ثم بعد صيام شهر الصوم تطلـع غـره
مثلك افخربه واعده من خيار ادروعـي=ماذكر انك غبت عني بالسنه لـو مـره
والدهر ضيع علينا حقنـا المشروعـي=ابسط احقوقي غدت في ساحة المغتـره

تدري ان اكبر خطا ردك على موضوعي=الذكـي لاسلـم مـره مايعيـد الكـره
الوعد قدام والنافـع مـن المنفوعـي=زر عظم الشاوري لا ضاق صدرك زره
حلت اسراب الجراد بزرعك المزروعي=وينك اويـن التغـزل ياكبيـر السـره
الدوا عندي واداوي راسك المصدوعـي=مايطيب الاجرب الا عقب سـم الجـره
اخر انهايتك بالمخـلاب يالجربوعـي=والحزن بين بوجهك والعـرب مستـره
انت تطمحلك لشين مثل حب الكوعـي=جيت تنقل صرتك ونا فتشـت الصـره
روح وستفزع وانا ماني قليل فزوعـي=الخصم نحسب حسابه والصديق ا نبره

تدري انك لو تروعنـي تهـدي روعـي=عين تضحكلي وعيـن احداقهـا محمـره
توهم السنه بقصر الثوب واصلك شوعي=مير ماتنجّـس طعـام المسلميـن الهـره
حاجة المصلاح وشهي في ظهر زعزوعي؟=غير كان القيض حمحم واحرقه في حـره؟
قلتلك لاتضيّـع المفتـاح يالمصدوعـي=واهترشت من الجرب يا لعنبـو هالفـره
تحسب اني لاوردت العد يقصـر بوعـي=وان خسرتك ناظر اصحاب الوفاء مااسره
والله اني ماارخي الهامه واطـش اسموعـي=لو تشب النار فـي بحـر الخليـج وبـره
ماظريت انطح خصيمي في طشاش ادموعي=عادتي فـوق النقيـع المستهيـش اجـره

استلم عقب وصلنـي ردك المطبوعـي=ارمد العينين يبشر كـل يـوم اذره
روح ياشاعر شمل عدك على ميقوعـي=لين تبرد من ضما ها كبـدك المحتـره
لاتحاول مانفكك ليـن تمشـي طوعـي=لا خضعت اجمع طشاش اعلومك المنثره
غط خشمك بالبحر واشرب منه قرطوعي=يابعيرن ماعرفنـا مقدمـه مـن خـره
انت مثل الشاعر الي ضاف ابن جدوعي=يوم قلـت حيلتـه عـود يبيـح سـره
لا تعرض لشمل في ثوبـك المرقوعـي=انثبر لطلـع غسيلـك للعـرب وشـره
تو والله مادريت انك خبيـث اطبوعـي=الهوى قامت تصافـق ذر بيتـك ذره
نعرف الشي المباح ونعرف الممنوعـي=والسهـوم المرسلـه مضرابهـا بالغـره
مانلومه جاء على درب الخطر مدفوعي=غـره الـي قالـه قبـل امـس لله دره