صوره لها بالقلب ذكرى ومنزال=لو زالت اجبال اعلم ماتزولي
مشكـور يـابـادع جـديـدات الامـثـال=يالشاعر اللي بالتماثيل حولي
ماحـدن تعـدى صاحبـه ربـع مثـقـال=يصعـد صعـودلـي ويـنـزل نـزولـي
ماعرفه حتى انـه فهـق سـن الاطفـال=ودخـل بـسـن المكرمـيـن الكهـولـي
اول معرفتـنـا بمـوجـات الارســـال=فـي موقـع ٍ وسطـه نصـول ونجولـي
بجهـاز تقربـلـه بعـيـدات الامـيـال=ماهـو علـى قطـع الخرايـم جفـولـي
والله جمعنـا بــدار ذربــن الافـعـال=فهـود الــزراج الطيـبـن الزحـولـي
وجهن بوجـه وشفـت سمحيـن الاقبـال=وجيـه النشامـا اللـي عـس ماتزولـي
ودار الحديـث بمنطـق ٍ يشـرح الـبـال=واللـي كنـز فـي ضامـره لـه يقولـي
ساعـات لكـن كنهـا كـنـز الامــوال=ذكـراه فـي خفـاق صـدري تجـولـي