امانتك ياعيد لاجيت للعود=سلم عليه وحب خشمه وراسه
وقله بها ممن وباقي لها زود=من وائل (ن) خصكم بين ناسه
معزتك عنده لها اثبات وشهود=كبر الجبال النايفات اومقاسه
قدرك وقدر ابوك طودعلى طود=بين الضلوع الحدب غمق(ن) اساسه
يامحزمي ياعيد بالهون والكود=اخوان لوكل (ن) يعود الساسه
لاثار بركان الضحى ودخن العود=عقب الرخا جا زمان انتكاسه
انشد وتلقاني وانا القاك موجود=يم العلا كل (ن) يشده حماسه
قبل00000وحكمها وحكم00000=وائل وعبس لنجد حصن وحراسه
رديهم تامنبه الوضح والسود=ياولعت والموت دقت اجراسه
كم فارس (ن) عشابه السبع والدود=وكم فارس(ن) عاف الطمع والفراسه
ياعيال عبس امجادكم زودفي زود=ياماتعدى اسهيل برج الرياسه
دخيلكم مايلحقه ظيم ولهود=يلقا الامان ويهتني في نعاسه
وقصيركم ياعيد ماهو بمضهود=بجواركم يدله ويلقى الوناسه
خويكم لوغلطته مالها احدود=ترفونها لوهي اعناد وخساسه
حنا لكم ياعبس وانتم لنا عضود=واللي زعل يضرب طميه براسه
وسامت الكفه وسامت الكود=قلوبهم مابه دغيث ونجاسه
من قبل جاسم والعواجي وصاهود=وحنا البعضنا والذهب حول ماسه
اسود غابه جاورة غابة افهود=زئيرهم من بعد تسمع حساسه
عرينهم بابه عن الغير مردود=من هيبته محد (ن) وطابه وداسه
بني رشيد اليحتمى كل عبرود=عدوهم يعلن وينكف افلاسه
منهم مظابرة السطر درعوسدود=من فعلهم تلقى الجثث بالمداسه
لاذعذع الغربي ونسنس هوى النود=انجازهم ماتقبر الريح كاسه
مالي ورى ماقلت ياعيد مقصود= لاوالذي هون لمريم انفاسه
غير المحبه والغلا ماطلب الزود=ياشاعر(ن) نقاء الذهب عن نحاسه