طاروق بين السيف القاطع وشاعر ولد شاعر
طاروق ممتع جرى بين السيف القاطع وشاعر ولد شاعر حبيت انسقه اتمنى ان ينال اعجابكم السيف القاطع جيت ادور شاعر ن يحسب حساب اللي نقوله = ياعسى ربي يجيب اللي على بالي نويته الذلول اللي عليها وسم من عصر معقوله = والعرب ماتشوف خط لاكتبته ماقريته شاعر ولد شاعر جاك شاعر معتبر والظاهر انك منت حوله == الذهب غالي وانا اللي من غلا الطيب شريته الله انه يرحم اللي مات والسبه ذلوله == العرب يدرون لونك مع الغفله نسيته السيف القاطع الطريق ايبين والميقاف ياجعلك تطوله=وكل واحد من حماسه يعجب ابفكره وبيته العرب جابو قضيه في خروجه مع دخوله=والمصيبه يوم طاح العود زهبت اورميته شاعر ولد شاعر ياجملنا الله يعينك روح درهم بالحموله == والله يعينك على شوك النقيع الياوطيته من يخاف البرد يجعل ملحفه يكسي رجوله = وانت سيف تذبح الرجال لامنك لقيته السيف القاطع ركد افكارك شويه لاتجي نفسك عجوله = كل ساري لاسرى لابد مايقصر بليته انت مريت الكلام الزين في يسر وسهوله = والحبل يوم التوا في كفك اليمنى طويته شاعر ولد شاعر ابدوي (ن )لامشى تصحى على طقت نعوله = خير من وجه حضريَ يزعجك بوري ونيته كان تبغى الشعر والميدان محسوبك رسوله = وانت مرسم يقضي الحاجه ليامني بريته السيف القاطع جرت المري عليك تشاف لانوخ رحوله = والكبيره يوم مات الشيخ من نظرة بخيته انت فكرك يقصر شويه عن اصحاب البطوله = والكلام اللي كتبته يوم شفته مامحيته |
رد: طاروق بين السيف القاطع وشاعر ولد شاعر
محاورة كبار شاعر ولد شاعر اطيك ولاابوك
|
رد: طاروق بين السيف القاطع وشاعر ولد شاعر
ذيب الفيافي محاورتي انا وغازي ليش محذوفه
|
رد: طاروق بين السيف القاطع وشاعر ولد شاعر
مثبته محاورتك ماهي محذوفه بالمحاورات المنسقه
|
رد: طاروق بين السيف القاطع وشاعر ولد شاعر
الشكرك ياذيب الفيافي علئ اجتهادك وتشجيعك وتنسيقك للمحاوره وهذا دليل علئ طيبك ونجاحك
|
رد: طاروق بين السيف القاطع وشاعر ولد شاعر
يستاهلون هالشاعرين انك تنسق محاوراتهم ياذيب شعار متميزين
وانت انسان مبدع ايضا |
| الساعة الآن 12:44 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir