موقع الشاعرغازي البراك موقع الجميع

موقع الشاعرغازي البراك موقع الجميع (http://www.gazialbrak.com/vb/index.php)
-   القصايد المنقوله (http://www.gazialbrak.com/vb/forumdisplay.php?f=109)
-   -   قصيده مهداه للشيخ سند بن عواض الفرفار المهيمزي (http://www.gazialbrak.com/vb/showthread.php?t=22698)

ابوعبيد 10-06-2016 09:58 PM

قصيده مهداه للشيخ سند بن عواض الفرفار المهيمزي
 
قصيدة مهداه
http://alajaon.com/uploads/uploads/14757798701.jpg

للشيخ : سند بن عواض الفرفار المهيمزي


هواجيسي لها مده تكثر لي من الأعذار=لو أن اكثر محاصيلي من الأعذار عكسيه
ولاكن مانخلي للنقيده درب مهما صار=تجملنا مواقيف الوفاء في روسنا الحيّه
نحب الطيب ونحب القروم اللي تشب النار=ويشرفنا الكريم اللي على العليا مباديّه
ولانمدح سوى طلق المحيا مكرم الخطار=سنافيٍ تنومس ربعه بذكره وطاريّه
سلام الله على اللي شرفو في حفلة الفرفار=سلام الطيب من طيب الهجوس وصادق النيه
مع الوافين يجمعنا بميدان الشرف مضمار=تنافسنا النشاما فيه خياله ورجليه
أحد قدم من جزال المكارم والعطا قنطار=واحد مما تحوش يمينه يقدم شويه
ولكن سند لامن حضر خلى الرقوم اصفار=وحاز من الثناء شداده ومدهاله وكرسيه
كرم نفس وكرم كف ومكان وقيمه ومقدار=وصيتٍ يفتخربه كل عبسين وعبسيه
هذا المكسب ليا من طاح سوق الينّ والدولار=وهذا المحزم ليا من بارت نفوس الدناويه
حفيد مفرقين الجمع لامال الزمان وجار=تدك الأرض دك وتلطم العيال والعيه
هذا المجد الكبير اللي يخلد للرجال اذكار=بطولاتٍ على التاريخ مكتوبه ومقريه
ماهي بعلوم ناسٍ دقت بوسط النعش مسمار=مساكينن يمانيها من الطولات فقريه
تواريخٍ تروجها وتكذبها شيوخ العار=ولاهي والله حقيقه ولا حول الحقيقيه
شيوخٍ ضايعين عن الصواب وضايعين اشوار =لو التاريخ يعطي ماعطاهم لو مداليه
تحصلهم ليا جيت المحافل أول الحضار=ماغير تدور اول صورةٍ عجله وفوريه
ولا جات الصمايل والنشب غابو عن الانظار=شيوخٍ بس في وقت الرخا وشيوخ شكليه
لكن الراس يبقا راس وفعوله فعول كبار=لو انه مالبس من فوقه عمامه وطاقيه

******** type="text/**********">doPoem(0)***********الشاعر/عبدالهادي حامد بن صبح الرشيدي

مشوح القعبوبي 10-31-2016 06:03 PM

رد: قصيده مهداه للشيخ سند بن عواض الفرفار المهيمزي
 
صح لسانك وبن الفرفاريستاهل


الساعة الآن 05:38 AM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi