لولا الخطا محدن عرف قيمة الصح=ولولا الصحيح يصح جات الفضايح
شي طبيعي يوم ننصـح وننْصـح=الناس كانـو يشتـرون النصايـح
ياجاهلٍ في الوقت تسـرح وتمـرح=ترى الحيـاه لهـا نظـام ولوايـح
وأن كان ماتبغى كلامـي هـذا رح=واشره على اللي قال وين أنت رايح

ياهل الهروج العرج لو تمشي العـرج=خطوه وراء عـن خطـوةً للأمامـي
لصمت في بعض المجالس عن الهرج=يسوى مائة كلمه من أغـلا الكلامـي
ولو كل تاجر في البشر يفتح الـدرج=مـا صـار للتجـار غيـر الاسامـي
وراع الحصان اللي يعنّه بـلا سـرج=لو يشعل ا لنيـران بـرد وسلامـي

مهما يجيك مـن الخطـأ مـن رفيقـك=حاول تغاضـى والخطـأ لا يجـي منـك
ترى رفيقـك لـو وقـف فـي طريقـك=مثل الرصيد أن (قل) وأن (زاد) في البنك
واعرف عدوك قبـل تعـرف صديقـك=ومن لا يحس بضيقتـك مـادرى عنـك
ولا تأيـد المخطـي لـو أنـه شقيقـك=وش عذرك من اللي على ايسرك وايمنك