محاااورة الشاعرين عبيدالله المجيريشي وزايد العويمري
 

عبيدالله المجيريشي
سلام تسليمه سوات العام فيه اربع فصول=وكل الظواهر ماتشابه بالفصول الاربعه
الفصل الاول تمطر الامطار ماجتنا سيول=والفصل هذا طبت الوادي وجات امجمعه
زايد ابن عدله
يامرحبا ترحيب ساري ليل واللغز محلول=والعلم غيره علم والميقاف معروف سنعه
الفصل الاول شبت النيران في حمص وسئول=والفصل هذا من يخالف عن طريقه نردعه
عبيدالله المجيريشي
ياللي شرحت الدرس خف شوي شرحك لايطول=انته تعرف الفرق ب...ين الضيق ودروب السعه
انا بقول اللي بقوله وانت قول اللي تقول=اهم شيء ياصاحبي حبل الصله لاتقطعه
زايد ابن عدله
ماني مضرّي هاجسي ياهذيل ميراد الدحول =الشعر هذا منبعه والخير هذا منبعه
آخر زمانك يالهذيلي يمكن تعيش امعزول=اتبع طريق الحق فيما يأمرك ربك طعه
عبيدالله المجيريشي
يابوزياد ادخل ولاتاقف على باب الدخول=أما تعيش المزرعه وألاتموت المزرعه
يمكن يابن عدله بوسط القافله نلقى ذلول=ترى المسافر بالطريق اقل شيءً ينفعه
زايد ابن عدله
اللي نعرف قريش لولا الذنب ماجاها رسول=لكن على جمر الغضا نزل ذنيبك وارفعه
ماعندنا بالقافله ياصاحبي غير الفحول=لاتصير مثل عيونه سدها برأس اصبعه