هل المطر وبل(ن)من الغيث هتان=هتان مزن(ن) لبو متعب تشابه
يافرحت(ن) سادت على كل فرحان =ارض الوطن حياه غالي ترابه
من بعد ماودع سبب عارض(ن)كان=مقرره دكتور ريس طبابه
شافاه رب البيت والرب منان=ولاخاب من مثله عزيز(ن)لجابه
كل(ن) ينشَد عنه بالحيل ولهان=ويدعون له دعواتهم مستجابه
ورجع لنا القايد وجرينا الالحان=مليكنا اللي ياهلا مرحبابه
الشعب له هو والوطن حيل عطشان=اللي قدومه مثل غيث السحابه
ومثل هلال العيد في كل الأزمان =اللي له المسلم يفصل ثيابه
له طلت(ن) تبعد عن الروح الاحزان=وتشرق على العالم بطيب ورحابه
وله منجزات(ن) عاليه عالي الشان=وياكثر ماصدر قرار ابخطابه
امضى عليه وقال يصرف من الان=وفي سرعة الانجاز مابه عجابه
يهمه التاكيد بالوضع لاهان=وظف على التنفيذ لجنة رقابه
سيرت حياته كلها بر واحسان=مافيه منهج خير(ن) الا سعابه
لله دره شاكرينه بعرفان=على الذي سواه والي سعابه
مليك خير وشعبه بخير وامان=لبى مطالبهم وكل(ن)رضابه
ملك وخادم للمشاعر والاوطان=ومن دونها جهز جيوش الحرابه
بواسل(ن) تفداه بقلوب واعيان=لا قام عز .. ولا جلس له مهابه
ومعظم(ن)شان الشريعة والاركان=عظيم شان الله يعظم ثوابه
مبداه مبدا للتسامح ليا حان =يغلق طريق الشر ويسد بابه
عبدالله الي حاورت معه الاديان=وخضع له أعلى ريس(ن) من اعجابه