13 فبراير وهاوي نجد
الأهداء الى 13 فبراير وهاوي نجد يا(مـي) ضميني من (...) للـ (...) مليت مـن جـور السنيـن وصدفهـا في ضمتك يا مـي مابـه تحاسيـف على الـذي عـاف الحيـاه وقرفهـا داوي عليـلاً غربلتـه الصـواديـف كلاً عجز عـن علتـه مـا كشفهـا من غيرك اللي يخفف الجرح تخفيـف شوفي جروحي ورسمي فـي طرفهـا وليا شبكت أيديُ خلـف السراجيـف برشف ثمان سعـد منهـوا رشفهـا من مبسماً فوقه كما سلـة السيـف وعيون من قلـب الحبـارى علفهـا أن أشهد أنه الكيف يا مـدور الكيـف وصفت طبيب الكيف يومـه وصفهـا إلا يـا بعـد مـن يلبسـن النفانيـف من شاف يوم البيـض تلعـن جدفهـا يـا درة مـا داج مثلـك ولا شيـف يا مهرة مـا غيـري احـداً عسفهـا أنتي لحالك تقـل باريـس وجنيـف يلـي مكذبنـي رح ألـهـا وشفـهـا من حسنها محد وصفها تناتيـف حتى امها اللي مـن زمـان تعرفهـا أيـه خرافـه مالهـا إي تصنـيـف وكلاً علـى طـاري حلاهـا ولفهـا لا جيت اصفصف فكرة الوصف تصفيف يطري علي بعض الجمـال وحرفهـا ومن وين أببدى في الثمان المراهيف في عيونها في شعرها فـي شففهـا فـي جيدهـا ولا ثمانٍ المراهيـف ولا بعد فـي خصرهـا اللـي لهفهـا فـي ساقهـا ولا وروك المـراديـف فـي غيهـا أو تيههـا ولا ترفـهـا في وسطها مال الوصايـف تواصيـف والوصف كله لوسطها مـا وصفهـا لو شافها العاقل غدى خبـل وخفيـف عني ليرمي غترتـه ويحرفهـا ولو شافها اللي يلحف القرش تلحيـف والله ليصرف ثروتاً ما صرفهـا وش عاد مـن جاتـه بليـا تكاليـف غير الورود الـي لهـا قـد قطفهـا من اول معهـا بـروس المشـارف واليـوم نفسـه قـد لحقهـا كلفهـا يا بنت جيتك والزمن صلف ومخيـف جيتـك بغلطـات الزمـن وأعترفهـا صدر ملاه الهـم واليـأس والحيـف وعين بكـت حـزن نبيـه وكسفهـا جيتـك أمدلـك اليديـن النواصـيـف بسكـن عيونـك والجفـون التحفهـا وهلي عليه من الدمـوع الذواريـف بصدر ونه لبيت منهـوا عرفهـا تدرين ضميني من (...) الى(...) مليت من جـور السنيـن وصرفهـا |
رد: 13 فبراير وهاوي نجد
لو شافها العاقل غدى خبـل وخفيـف
عني ليرمي غترتـه ويحرفهـا الابدااااع عنوانك دائما واختيارك موفق واصابة جيدة للهدف ولكن اخي الغالي اتوقع هناك لغز يجب حله بين الرقم 13 وفبراير وهاوي نجد هههههه تقبل مروري واعجابي ... |
رد: 13 فبراير وهاوي نجد
الابدااااع عنوانك دائما
واختيارك موفق واصابة جيدة للهدف |
رد: 13 فبراير وهاوي نجد
وليا شبكت أيديُ خلـف السراجيـف
برشف ثمان سعـد منهـوا رشفهـا (الموت يالمر العذب ) يـا درة مـا داج مثلـك ولا شيـف يا مهرة مـا غيـري احـداً عسفهـا ( عزالله بالمواصفات هاذي ماداج مثلها يالمر وانشهد انك عساف ماتمكن ) هذه القصيده تستحق احتفاء من نوع خاص المر العذب سلمت يداك وصح السان الشاعر . |
رد: 13 فبراير وهاوي نجد
من مبسماً فوقه كما سلـة السيـف
وعيون من قلـب الحبـارى علفهـا -------------------- هذي تبيلهايالمر العذب بحث علمي دقيق ومركز-- معقوله الانف مثل سلة السيف وعيونها مثل عيون شيهانتي البحريه زلزال--ساعدني على اجراء مثل هذا البحث والذي يتطلب المشاهده والمقاره والدراسه الميدانيه من قرب-- اخي المر العذب--قطعةاولوحه رائعه قدمت هديه لرائع يستحق من ملك الذوق والابداع--ارجو قبول مروري واحترامي لشخصكم العزيز |
رد: 13 فبراير وهاوي نجد
أن أشهد أنه الكيف يا مـدور الكيـف
وصفت طبيب الكيف يومـه وصفهـا إلا يـا بعـد مـن يلبسـن النفانيـف من شاف يوم البيـض تلعـن جدفهـا المر العذب مافيك حيلة وقصيدة تستحق اني اقولك سلمت يداك وصح لسان شاعرها واعتبرني مع هاوي نجد و 13فبراير اذا فيه مجال :: |
رد: 13 فبراير وهاوي نجد
أختيار موفق والشاعر يعتبر من شعراء الوصف
المر العذب منهو شاعر القصيده |
رد: 13 فبراير وهاوي نجد
اقتباس:
المشاركة الأصلية كتبت بواسطة الشمالي http://www.gazialbrak.com/vb/gk/buttons/viewpost.gif لو شافها العاقل غدى خبـل وخفيـف عني ليرمي غترتـه ويحرفهـا الابدااااع عنوانك دائما واختيارك موفق واصابة جيدة للهدف ولكن اخي الغالي اتوقع هناك لغز يجب حله بين الرقم 13 وفبراير وهاوي نجد هههههه تقبل مروري واعجابي ... الشمالي بعد يومين فيه إهداء خاص لك .. وبالنسبة 13 فبراير هاوي نجد عنده أمسيه وهالقصيده من قصايد الأمسية .. |
رد: 13 فبراير وهاوي نجد
لله درك يالمر المعذب
كعادتك قمة في الابداع تقبل مروري المتواضع |
| الساعة الآن 02:11 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir