قصيدة اهداء الى معوض بن عبيد البراك
اعضاء موقع غازي البراك
السلام عليكم ورحمة الله وبركاته لقد اطلعت مثل ما اطلع غيرى على ماكتبه الشاعر غازي البراك عن -معوض عبيد البراك -ومايحمله هذا الرجل من طيب فعله بالشاعر عندما كان له حق عليه واطلعت على الموقع فوجدته قائد وفارس وافعاله تبيض الوجه واطلعت على كثيرا من الصور في هذا الموقع عن الممدوح فوجدته يستاهل وكذلك ماقاله ابن عمه الشاعر ابو سلمى هاضت شجوني وقريحتي في قصيدة موجهه الى الشيخ معوض عبيد البراك وهو يستاهل ان توجه له لقصيده لانه حفيد متعبين الخيل ولو نتكم عن افعال البراك ماتحصى ونرجو من مسامحتنا بالقصور سلام يامعوض من الراس للراس =سلام مايدخله شك وساويس ياشيخ(ن)فعولك تنومس تنوماس =وريث اهل المرجله والمقابيس قوما لهم في قمة المجد نبراس = يوم الليال الموحشات الغماليس دخيلكم من بينكم ثابت الباس = مايخاف لوكثرو عليه البلاليس الحرب وفعوله الرجوله لكم ساس=وافعالكم ماتنحصى بالقراطيس جيتك ابي فزعه ومنحاس منحاس=البيت له فوق السنه مابعد سيس خططت والتخطيط عود بالافلاس= من قل ماتاجد يدين النواميس وانا تراني من هل لقب الافراس = الي لهم بالدارفعلا وتاسيس اعذروني على القصور الظــــــافر - حائل |
رد: قصيدة اهداء الى معوض بن عبيد البراك
الشاعر الظافر
بيض الله وجهك على هذه القصيده التي قيلت في رجل المواقف المشهوده ابو فارس وبأذن الله راح ابو فارس ينظر في وضعك تقبل مروري . |
رد: قصيدة اهداء الى معوض بن عبيد البراك
صح السانك اخوي الظافر على القصيده
واشيخ /معوض يستاهل |
رد: قصيدة اهداء الى معوض بن عبيد البراك
صح السانك يا الظافر على القصيده الجزله
والشيخ /معوض عبيد(ابوفارس) يستاهل المدح ووقفاته كثيره مع ربعه وغيرهم والله يكثر من امثاله قبل مرورالعاقل1 |
رد: قصيدة اهداء الى معوض بن عبيد البراك
الظافر حياك الله بموقع الجميع ونتشرف بأنظمام امثالك بهذا الصرح الشامخ
وصح لسانك واعتلا شانك ووفيت وكفيت مافيك قصور ومن طيبك تقدير الطيبين وابوفارس معوض عبيد يستاهل العلم الغانم والطيب ماهو غريب عليه تقبل مروري المتواضع |
رد: قصيدة اهداء الى معوض بن عبيد البراك
مشكور
يالظافر وبيض الله وجهك وماعليك زود وابو فارس مارايح يقصر وقفاته وفزعاته مستمره وتشرفنا بوجودك بيننا بس هل انت الظافر الموجود في منتدى الويلان تحيتيييييييييييييييييييييييييي |
رد: قصيدة اهداء الى معوض بن عبيد البراك
صح لسانك اخي الظافر وبيض الله وجهك على هذه الرائعة
والشيخ معوض عبيد البراك يستاهل كل خير وعاداته الطيب وان شالله راح يساعدك بما يستطيع ابو فارس تقبل مروري ... |
رد: قصيدة اهداء الى معوض بن عبيد البراك
صح السانك وحياك الله
من طرف القصيده قصيدة شاعر مايحتاج لله درك وحياك الله في موقع الجميع |
رد: قصيدة اهداء الى معوض بن عبيد البراك
اقتباس:
المشاركة الأصلية كتبت بواسطة هاوي نجد http://www.gazialbrak.com/vb/gk/buttons/viewpost.gif الشاعر الظافر بيض الله وجهك على هذه القصيده التي قيلت في رجل المواقف المشهوده ابو فارس وبأذن الله راح ابو فارس ينظر في وضعك تقبل مروري . وجهك ابيض يالهاوي ومايقدم من قوما الا خيارها والف نعم بكم |
رد: قصيدة اهداء الى معوض بن عبيد البراك
اقتباس:
المشاركة الأصلية كتبت بواسطة وليد البراك http://www.gazialbrak.com/vb/gk/buttons/viewpost.gif صح السانك اخوي الظافر على القصيده واشيخ /معوض يستاهل اشكرك على المرور نعم يستاهل |
| الساعة الآن 02:51 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir